Granmoun avan lè se konsekans iresponsablite paran

|FANMI

Lè yon paran pa ka pran swen pitit li kòmsadwa, premye pèt li se otorite l ki pral fè l pèdi respè li, wòl li, enfliyans li ak fyète li nan kay la. Se sa ki pral fè timoun sa a viv tankou li te fè tèt li. L ap pran desizyon pou kont li san panse ak konsekans yo nan fiti li.

Toutfwa, gen timoun ki toujou obeyi paran yo malgre yo pa jwenn sipò yo. Kalite timoun sa yo konn travay pou sove imaj fanmi an san yo pa blame paran yo ni kite yo avan lè. 

Gen anviwon sis posiblite lè yon paran pa ka okipe pitit li. 

1. Pitit la tounen granmoun nan kay la avan lè men li p ap kite l pou paran l paske l pa gen kote li prale. Li p ap pran lòd, l ap viv jan li vle e li ka menm plase la. 

2. Pitit la kite kay la pou li ale rete kay youn nan fanmi an (tonton, kouzen, frè...), kay yon zanmi, yon vwazen, yon patwon. Li ka kite zòn nan nèt. Li ka chwazi viv lib, plase e mennen yon vi egzanplè. 

3. Pitit la kite peyi a nèt. Li ka ale Chili, Sendomeng, Brezil, USA, selon mwayen li. Dabitid, fanmi ayisyen yo sansib pou fè pitit yo vwayaje. Konsa, li konn plis fasil pou yo jwenn kòb pou regle zafè pati pase reyalize lòt bagay. 

4. Pitit la oblije marye bonè paske li gen yon fiyanse ki pwomèt l ap retire l nan sa l ye a. Sa ka fini byen oswa mal. 

5. Pitit la vin paran avan lè. Li ka gen plizyè pitit e menm plase oswa marye nan kay la. Paran li oblije koube anba tout reyalite yo paske li pa t ka evite yo. Gen ka kote se paran an ki kite kay la pou pitit la. 

6. Pitit pitit la grandi nan menm kay la jiskaske li fè pitit ladan tou. Sa ki vin bay yon fanmi elaji. Si te gen maryaj oswa plasay, divòs ak kite ka bay yon fanm rekonpoze. Reyalite sa a nan anpil fanmi, sitou nan pwovens. Nan kapital oswa vil yo, timoun ki vin granmoun yo ka nan lweyay oswa al abite kay zanmi oswa fiyanse li. 

Èske w konn yon lòt ka? Ekri li nan yon kòmantè.

JDE

Ou ta vle fè Jeunesse et Lecture yon don? 

PayPal: profesame@gmail.com

MonCash: 34154213

Faut-il regretter une relation brisée?

|MORALITÉ

S'il est vrai que la vie soit une école, il y a forcément une leçon en tout ce qui arrive aux vivants. De ce fait, éprouver du chagrin pour avoir perdu quelqu'un ou quelque chose peut être le résultat d'une lacune, d'où la nécessité de comprendre les bons côtés des maux de la vie pour mieux vivre car, on ne peut ne pas avoir des relations dans la société. 

Quelqu'un a dit ceci: "Aucune relation n'est une perte de temps. Si elle ne t'a pas apporté ce que tu cherchais, elle t'a montré ce que tu avais besoin". Ainsi, le regret serait une faute d'instruction puisqu'à tous les moments de la vie, on cherche toujours et on est constamment dans le besoin. 

Alors, si tu viens de connaitre une rupture dans une relation, amicale, familiale, professionnelle ou amoureuse, ne te laisse pas submergé par le regret au point de vouloir te faire du mal. Il y a toujours une leçon à tirer de tout ce qui nous arrive. Alors, au lieu de regretter une relation brisée, cherche le bon côté de sa rupture. 

Sois donc bon élève à l'école de la vie! 

JDE

Pour votre don à Jeunesse et Lecture 

PayPal: profesame@gmail.com
MonCash: 34154213

Sis BON KOTE nan echèk

MOTIVASYON JOUNEN AN

Lè w echwe, premye santiman w genyen se bay vag. Lè sa rive plizyèfwa, ou konn di w pa gen chans. Moun sa rive twòp yo konn reziye yo ak sò yo.

Jodi a m vin pale w toukout de sis bon kote ki gen nan echèk.

1. Ou te eseye

Se pa tout moun ki gen yon ide ki eseye. Yo souvan pè echwe. Se pa lafen si w pa atenn objektif ou te fikse a. Yo p ap blame w paske kontrèman ak parese e pesimis yo, ou te eseye.

2. Ou kapab

Si w te eseye, sa vle di w kapab. Echèk pa vle di w fèb ni w kreten. Gen reyalizasyon ki mande tan, kolaborasyon ak plis estrateji. Echèk la ka vle di w pran pasyans oswa chanje estrateji.

3. Ou fè yon eksperyans

Gen yon ide ak konfwonte ide a nan reyalite a se pa menm bagay. Pale anpil e di bèl pawòl pa vle di ou entèlijan. Eksperyans ka ba w konesans, fè w konprann lavi e gen sajès. Se pa siksè ki fè moun, siksè se rezilta plizyè echèk.

4. Ou pran yon leson

Lè w echwe, pa gade defèt la ak desepsyon an. Gade pito rezon ki fè w echwe a epi di tèt ou pwochèn fwa, w ap aji yon lòt fason. Pa fè menm erè a, sinon ou pa t aprann anyen.

5. Ou venk perèz ki te nan ou a

Lè w doute sou reyisit ou, premye santiman li ba w se perèz. Ou pa vle kòmanse pou w pa fini ni travay pou w pa jwenn rezilta. Ebyen, chak fwa w echwe, konnen ou reyisi devan perèz ki te ka fè w pa eseye.

6. Ou te ka reyisi

Kote w echwe a, se kote w rate okazyon an. Kidonk, se la w t ap reyisi. Pa panse twòp ak echèk la, panse ak lòt okazyon ki ka fè w reyisi.

JDE
-------------------------
Ou ta vle fè Jeunesse et Lecture yon don?
PayPal: profesame@gmail.com
MonCash: 34154213

Motivasyon jounen an

| MOTIVASYON

"Fè atansyon ak felisitasyon y ap ba w jodi a pou sa w ap fè byen paske se li menm ki ka koz yo blame w demen."

Pafwa, nan lavi, ou konn panse w p ap janm fè sa ki grav paske yo toujou felisite w pou anpil bagay ou fè. Lè konsa, ou santi w fyè. Se nòmal. Tout moun ta renmen konsa.

Men konsa tou, nan panse w fò, ou konnen, ou kapab, ou ka pran gwo so. Ou ka menm rive fè sa yo pa t janm panse epi se lè sa a, ou pral reyalize ou te dwe toujou pridan.

Si w wè y ap aplodi w jodi a pou sa w fè ki bon, pa met nan lespri w moun yo blame yo enferyè ou. Fòk ou toujou kenbe tèt ou pou jiskaske w mouri.

Byenke pawòl "Bondye pa peye kòmansman se lafen li peye a pa evanjelik", nou ka itilize l pou n aprann leson sa a: "Pa janm panse w fin bon akoz aplodisman".

Pase bon lajounen!

JDE

Tes faux amis ne sont pas forcément tes ennemis

|AMITIÉ 

T'est-il déjà arrivé de te sentir peu supporté par tes amis dans une initiative ou abandonné quand tout va mal? Ce billet est pour toi. 

En effet, qu'est-ce que l'amitié? C'est un sentiment réciproque qui engage deux personnes l'une envers l'autre. Il ne peut donc avoir d'amitié entre toi et une personne qui ne s'engage pas envers toi. En réalité, c'est toi qui te trompes souvent en croyant que telle personne est ton amie. Au fond, elle ne l'est pas et souvent, elle ne te le dit pas. Une circonstance, un besoin, un intérêt, tout peut occasionner une amitié mais la vraie est partagée. 

Un faux ami serait celui qui ne s'engage pas envers toi, donc qui n'a pas un sentiment réciproque de ce que tu ressens pour lui. Mais, cette fausseté ne fait pas de ce dernier ton ennemi qui, contrairement, te veut, naturellement, du mal. Il peut être un hypocrite, un espion ou un opportuniste. Et, peut-être, il pourra devenir ton vrai ami un jour. 

JDE

Sa w pa dwe bliye nan fè pitit ou bèl

|EDIKASYON FAMILYAL 

Se bèl bagay lè yon paran pran swen pitit li. Li trime pou l ba li tout sa l bezwen: kote pou rete, manje, bwè, peye lekòl, rad, swen sante ak mwayen pou lwazi. Yon ti moun ki jwenn tout sa yo ka di l ap byen viv parapò ak lòt ki pa kapab e ki konn òfelen. 

Men, nan ka yon tifi k ap leve nan sosyete sa a san  kontwòl sou konpòtman li, zanmitay li, moun k ap kotwaye l, felisite l, koutize l e menm fè l pwopozisyon malonèt, se yon gwo danje pou avni li e pou envestisman paran li. 

Paran ayisyen sitou plis kwè nan depans pou fè pitit fi yo bèl men non pou edike yo. Sa ki fè malgre tout efò yo, timoun sa yo malelve, enpridan, ekstravagan. Tou kout, yo frajil. Paran ki konprann nesesite pou bay yon edikasyon konplè, pou majorite, itilize, malerezman, vyolans vèbal e fizik pou tante jwenn bon rezilta. Si sa mache pou kèk ka, li pa yon bon metòd pou byen leve timoun.

Bay timoun bon levasyon pa chita sèlman sou tout sa n sot site nan kòmansman tèks la. Li anglobe tout sa timoun sa ka jwenn pou devlopman kò li ak lespri li. Entèlijan lekòl pa vle di byenelve. San edikasyon seksyèl ak konfyans paran, tout timoun, sitou tifi yo, ka vin sous imoralite, delenkans, povrete, restavèk, pwostitisyon, analfebetis, elatriye. 

Twòp inegalite nan edikasyon timoun ki gen bon ak paran ki pa kapab fè anpil efò pa bay bon rezilta. Paske, lè timoun ki byen leve yo toujou ap viv pami sa ki pa yo, devlopman yo tounen danje e eskiz pou vyòl ak abi seksyèl. 

Ou menm ki se paran, li pa twò ta pou w evite pi mal. Chita ak pitit ou pou w fè moral li. Bote l ka yon opòtinite pou l reyisi men san edikasyon, se yon chans. Lè pitit ou bèl, entelijan lekòl e byen edike seksyèlman, ou pa bezwen bay tèt ou pwoblèm pou reyisit li nan lavi. Se baz yon siksè asire.

Ann asire edikasyon pitit nou okonplè. 

JDE

Plizyè fason nou inyore divèsite nan sosyete a

Reyalite pa w pa reyalite pa m, ni pa l, ni pa pèsonn. Lavi a gen sans men l pa gen menm sans pou nou tout. Ki fè, nou pa ka fè menm bagay, ni konprann monn lan menm jan paske nou chak se yon moun e chak moun gen yon bagay li ka fè, swa gras ak yon don oswa yon aprantisaj. 

Poutan, anpil fwa, nou minimize travay, kreyativite lòt moun jis paske yo p ap fè sa n ap fè oswa n pa renmen sa y ap fè. 

Jodi a, m pot kèk deklarasyon nou konn itilize ki montre nou pa dakò moun diferan nou. 

1. Misye pa konn sa l ap fè a.

2. M ka fè sa a tou. 

3. Sa l ap fè a pa bon.

4. M pa renmen metye sa pou li.

5. Sa a li chwazi fè?

6. Li bezwen fè tout bagay. 

Kalite panse sa yo kreye kreye santiman negatif lakay nou, tankou endiferans, jalouzi, egri ak mechanste. E se sa ki fè jèn ki gen talan yo pa ka viv sou sa y ap fè. Yo oblije ret ap jemi oswa fè sa tout moun ap fè jiskaske yo echwe nan alkòl, imoralite seksyèl ak delenkans. 

Èske se povrete ki fè jèn yo pa jwenn ankadreman? Non. Nou pa konn apresye ak viv nan solidarite. Nou pito sipòte tout sa k ap detwi nou mantalman pase pou n sipòte sa k ap fè nou pwogrese. 

Nou pa ka fè menm bagay men nou chak ka sipòte sa yon lòt ap fè paske se pwogrè chak moun ki pote chanjman kolektif. 

Ann sipòte chak moun nan sa l ap fè san nou pa bezwen jije chwa li. Nou tout pa ka fè menm bagay men nou youn ka sipòte lòt nan sa l ap fè. 

JDE