Meditasyon pou jodi a #93: Levanjil ak kominikasyon

Sikanalis, doktè nan filizofi ak nan lang, youn nan teorisyen ki te gen plis enfliyans nan kominikasyon moun a moun ak pwoblèm ke moun konn genyen; se konsa yo kanpe Paul Watzlawick, yon nonm ki te fèt nan peyi Otrich. Nan liv li a ki rele “The Pragmatics of human Communication” (Pratik kominikasyon moun a moun), ki te soti nan lane 1967, nou jwenn 5 prensip, premye a se : “ Nou pa ka pa kominike”.

Daprè prensip sa a, yon moun kominike nan kennenpòt ti jès li fè : “ Tou sa nou di, sa nou pa di, sa nou fè oubyen sa nou pa fè, fè pase yon mesaj ». Pa egzanp, lè w pa li yon nouvo mesaj ou resevwa sou telefòn ou se yon kominikasyon. Tèt ou, lè w gade, lè w souri, bouch ou, dwèt ou yo ; tout sa ou fè fè yon mesaj pase, li ka pozitif oubyen negatif.

Ou pale klèman nan eskiz ou yo, endisponiblite w, endiferans ou fas ak levanjil. Ou pa gen tan pou w sèvi Bondye, li labib, ale legliz, evanjelize tandike ou gen anpil tan pou w fè lòt aktivite. Paul Watzlawick t ap di w : « Mwen resevwa mesaj ou a ».

Si ou gen yon randevou ki gen awè ak yon vwayaj oubyen yon djòb, w ap kite tout bagay pou w ka rive bonè. Kilt dimanch la te dire twòp tan men fim ou tap gade a te twò kout. Se de enterè depaman, ou fè pi bon chwa a.

Apre ou fin li tèks sa a, ou pral di yon bagay nan pale oubyen nan fè jès. Mwen pa konnen sa w pral di a men mwen sèten ke ou pa ka pa reyaji. Bib la di : « Se sa k fè, kit n’ap manje, kit n’ap bwè, nenpòt kisa n’ap fè, fè l pou sa sèvi yon lwanj pou Bondye. » (1 Korent 10.31).

Pase yon bon jounen !

Jérôme Dorsonne Emerson

Méditation du jour #93: L'évangile et la communication

Psychanalyste, docteur en philosophie et en langues, l’un des plus influents théoriciens de la communication humaine et de ses troubles; tel est le portrait de l'autrichien Paul Watzlawick.    Dans son livre « The Pragmatics of human Communication » (Les pragmatiques de la Communication hunaine), publié en 1967, nous trouvons 5 axiomes, la première étant : « On ne peut pas ne pas communiquer».

Selon cette axiome, l’homme communique par le moindre geste : « Tout ce qu’on dit, ne dit pas, fait ou ne fait pas véhicule un message ». Par exemple, le fait de ne pas lire un nouveau message reçu sur votre téléphone est une communication. Votre tête, votre regard, votre sourire, votre bouche, vos doigts; tout ce que vous faites transmet un message, positif ou négatif.

Vous parlez clairement par vos excuses, votre indisponibilité, votre indifférence à l’égard de l’évangile. Vous n’avez pas de temps pour servir Dieu, lire la Bible, aller à l’église, évangéliser alors que vous en avez beaucoup pour d’autres activités. Paul Watzlawick vous aurait dit : « J’ai reçu votre message ».

Si vous avez un rendez-vous concernant un voyage ou un emploi, vous laisserez tout tomber pour que vous soyez à l'heure. Le culte du dimanche a duré trop longtemps, mais ce film que vous avez regardé a été trop court. Deux intérêts différents, vous avez fait le meilleur choix.

Après la lecture de ce texte, vous allez dire quelque chose en paroles ou en gestes. J'ignore complètement de quoi il s'agira mais je suis certain que vous ne pouvez pas ne pas réagir. La Bible dit:"Soit donc que vous mangiez, soit que vous buviez, soit que vous fassiez quelque autre chose, faites tout pour la gloire de Dieu."(1 Corinthiens 10.31)

Bonne journée!

Jerome Dorsonne Emerson