5 VERITE tout moun ki pa kretyen dwe konnen

Pou tout moun k ap kritike kretyen ak pastè yo, mesaj sa a se pou ou

Mwen pa gen lide pou demanti tout sa k ap di sou kretyen ak pastè yo nan legliz oswa nenpòt kote nan monn lan. M pa avoka yo ni fàn yo.

M pa vin ni defann yo ni ankouraje yo. Si w se youn, ramase pwen w epi repanti.

Okontrè, si yo menm ka li mesaj sa a, li t ap pi bon. Toutfwa, se pou tout moun ki gen pwoblèm ak aksyon kèk kretyen

1. Lòm pa Bondye

Ou konnen sa deja men anpil fwa, ou pale e aji tankou w te bliye l. Si lòm pa Bondye, ou pa ka tann pou lòm viv tankou Bondye byenke Bib la mande l imite Bondye. Depi Adan rive nan tout apòt yo, pa t janm gen yon moun tankou Jezi ki te viv san peche.

Pa rejte Kris akoz peche lòm!

2. Konvèti pa obligatwa

Si tout bon ou kwè pa gen okenn lavi aprè lanmò, se pa yon nouvèl. Se dwa w. Kont yon moun ki kwè l, se pa respekte dwa l. Kidonk, li pa obligatwa pou w vin kretyen.

Evite pèdi tan nan reyaji kont moun ki pa respekte dwa sa a.

3. Eskiz ou yo p ap valab

Ou ka gen yon milyon rezon ki fè w pa konvèti. M pa bezwen site yo: ou wè yo, tande yo e w gen prèv, petèt ak tèks, imaj, odyo ak videyo. Domaj, pa gen okenn tribinal pou w ta rele kretyen sa yo nan jijman, paske Tribinal Kris la ap jije ni ou ni tout fo kretyen. Nan jou jijman an, pa gen anyen w ap ka di pou w jistifye pa t konvèti w. Dayè, ou konnen byen Bondye wè e konnen tout bagay. Kidonk, se t ap yon tan pèdi.

Aksepte Kris pou peche w yo. Pa refize l pou peche lòt moun.

4. Montre w entèlijan

Ou pa inyoran si w ka konprann lè yon moun pa vrè kretyen. Si w pa t gen  konesans, yo t ap fè w fè egare nèt, pa vre? Ou konn li e w etidye. Men ant ou menm ki konn sa ki fo ak sa ki vrè a ki pa fè sa ki vre a ak moun ou jije ki pa diy lan, kilès ki pi entèlijan? Reli tit paragraf sa a lè w fin reponn.

5. Jijman Bondye a pa nan patipri

M ta renmen w pa bay tèt ou pwoblèm pou peche w wè kretyen ak pastè ap fè sou latè zanmi m paske se pa jij ou konnen yo ki pral jije, tande? Se Kris menm ki pral fè sa. E ou konnen byen, jijman li pa nan patipri. Ou ka denonse wi, se byen men w ka sezi wè moun w ap denonse a sove epi w pa sove. 

Sa w wè?

Depi w byen reflechi ak 5 mesaj sa yo, w ap reyalize se yon ti jwèt tou piti k ap jwe nan lespri w ki fè w poko vin kretyen.

Konsèy mwen pou ou

Aksepte KRIS avan LANMÒ pase pran w 

zanmi m.

Jérôme Dorsonne Emerson 

5 mwayen ou ka konnen si sa w tande se verite.

Gen 5 mwayen ou ka konnen si sa w tande se verite.

1. Nan mennen ankèt

Lè w tande yo di, yo fè, pa kouri kwè. Gen anpil teori ak eslogan deyò a pou fè w pran Zannanna pou Sizàn. Moun ki gen tèt li byen plase sou zepòl li pa  kwè fasil.

2. Nan angaje dyalòg

Si rimè a se sou yon moun ou konnen li fèt, pa kouri reyaji. Fè rezèv epi al pale ak li pou w konnen. W ap konnen si se manti ou verite.

3. Lè gen echèk

Gen plan yo fè kont ou, se sèlman lè li echwe w ap konnen. Ou dwe ret pozitif e gen lafwa nan ka sa a.

4. Lè gen siksè

Tout moun pa kwè w ka reyisi nan sa w ap fè a. Men si w pèsevere, siksè w gen pou pale pou ou pandan w ap dòmi e pran plezi w.

5. Nan tripotay

Gen moun ki konn tout sa k ap pase e ki la pou fè tout sa l konnen pase. Si w pa respekte 2 premye mwayen yo (ankèt ak dyalòg), yo gen pou fè w pran Jezi pou Satan e leve w kont vrè zanmi w.

An palan, dosye w te tande a, nan ki mwayen w te konfime l?

Jérôme Dorsonne Emerson 

CINQ FAÇONS DE RÉAGIR FACE À UNE OFFENSE

---

😌 Quand on vous offense : cinq attitudes à méditer

Une offense peut être une blessure infligée par des paroles, des actes ou des écrits. Bien que la Bible nous invite à pardonner nos offenseurs, certaines blessures semblent parfois irréparables. Que faire alors lorsqu’on est offensé ?

Voici cinq réactions possibles à méditer :

1. Ignorer

Vous n’êtes pas obligé de vous attrister pour chaque parole blessante. Ignorer une offense peut apporter plus de paix que de s’y attarder. Mais cela demande une certaine maturité intérieure. Si vous ne vous en sentez pas capable, alors… pardonnez.

2. Pardonner

Le pardon naît d’un désir profond de paix. Peu importe la gravité de l’injure, le pardon reste un baume puissant pour guérir le cœur blessé. Mais comme pour aimer, il faut apprendre à pardonner.

3. Se venger

Lorsque l’injure est préméditée, le désir de vengeance peut surgir. C’est humain de vouloir voir l’offenseur puni. Pourtant, le pardon est plus noble. La vengeance console un instant, mais le pardon guérit pour longtemps.

4. Tirer la leçon

Publius Syrus disait :

« Le lendemain s’instruit aux leçons de la veille. »
Ainsi, ne laissez aucune offense vous voler l’opportunité de grandir. Même dans la douleur, chaque blessure contient une leçon.

5. Agir autrement

Il est toujours plus facile de juger les autres que soi-même. Ce réflexe peut mener à l’erreur. La vraie sagesse, c’est de transformer l’offense en occasion de mieux agir. Soyez un exemple : vos actes parleront plus que les discours.

---

✨ Quelle que soit la blessure, vous avez le pouvoir de choisir la paix intérieure plutôt que le tumulte. Et parfois, votre silence, votre pardon ou votre manière d’agir deviendront les plus grandes réponses jamais offertes à l’injustice.

Jérôme Dorsonne Emerson