Etid Biblik: Bondye, kreyatè mond la

Enpòtans etid sa a.

Pa bliye ke pou nou gen lavi ki pap janm fini an, fòk nou konnen Bondye ak Jezikri (Jan 17.3). Se nan Bib la Bondye revele pèsonalite li, nati li ak tout sa Li te fè, tankou lakreyasyon. (Jenèz 1.2) Se pa pou anyen kifè Bib la toujou egziste, Bondye vle pou tout moun konnen Li, sitou lanmou Li gen pou lèzòm. Etid sa a pap di w tout sa w dwe konnen sou Bondye, men l’ap ede w konprann ke Bondye egziste, nati li ak rapò li ak lòm.

KIYÈS KI BONDYE ?

Bondye se Lespri Li ye, (Jan 4.24) se Li menm ki te kreye syèl la ak tè a ak tout sa ki ladan (Jenèz 1.1, Som 139.13).

ESKE BONDYE EGZISTE ?

Gen moun ki di Bondye pa egziste paske yo pa ka wè Li oubyen paske Li pa janm fè anyen pou yo. Eske se vre ? Pou premye rezon an, men yon eksperyans senp. Mete men w devan bouch ou epi soufle. Eske w santi yon bagay ? Kisa li ye ? Eske l egziste ? Sak fè w di l egziste ? Eske w kwè ladan ? Bondye plis ke van, men se yon fason pou fè w konprann ke yon bagay ki egziste pa toujou vizib nan je lòm. Pou dezyèm rezon an, se ipokrizi, engratitid ki fè yon moun di Bondye pa egziste. Poukisa ? 1. Lòm pase 9 mwa nan vant yon fanm, kilès ki fè sa ? 2.Lè li fèt, li grandi, pyès moun ni li menm pa janm wè. 3. Lòm dòmi, li pa konn anyen, se wè li wè li dòmi, wè li wè li reveye. 4. Se ti souf la ki fè tout moun ap viv. 5. Lòm pa ka epanye lanmò ni li pa ka negosye avè l.

Chache lòt egzanp ankò.


NATI BONDYE

Nati Bondye, se siy ki detèmine kilès Bondye ye. Men kèk ladan yo. Li tout vèsè ki bay yo pou w wè si se vre.

Li toupwisan : Wom 9.19-21 ; Kron 29.11 ; Efe 3.20
Li ka fè tout bagay (omnipotent) : Matye 19.26
Li konn tout bagay (omniscient) : Ebr 4.13 ; 1 Jn 3.20
Li tout kote an menm tan (omniprésent) : Som 139.7-12 ; Jer 23.24
Li pa janm chanje (immuable) : Malachi 3.6
Li jis : Som 119.137, 145.17a
Li gen mizerikòd : Som 145.17b
Li se lanmou : 1 Jn 4.8
Li sen : Lev 11.14 ; 1 Pyè 1.15-16
Li gen pasyans : 2 Pyè 3.9
Li pa konn bay manti : Nonb 23.19 ; Ebre 6.18

OU KA VIN PITIT BONDYE

Pou anpil moun, tout moun se pitit Bondye. Se pa reyalite. Bondye sen, sa vle di Li pa demere kote ki gen peche. Tandike lòm fèt ak tout peche Adan ak Èv yo (Wom 3.23 ; 6.23). Sa vle di lòm fèt tou lènmi Bondye. Jiske la, lòm se kreyati men li pa pitit Bondye. Pou w vin pitit Bondye, fòk ou kwè nan Jezikri, lè sa a peche Adan yo ap ranplase pa gras Jezikri a. Akoz de peche Adan yo, lòm t’ap tou ale nan lanfè, men Jezi te vin mouri pou L te ka efase peche sa yo (Wom 5.8).

Epi tou, jan Bondye pa renmen peche, mechanste, enjistis, manti, ipokrizi, egoyis, divizyon, dezobeyisans kòman yon pitit Bondye ta fè nan kondisyon sa yo ? Men kèk vèsè pou n li pou n wè kòman nou ka vin pitit Bondye. (Wom 8.9, 14, 16 ; Jan 1.11-13 ; 1 Jan 3.9-10 ;4.4 ; Galat 4.4-5) Ou ka vin pitit Bondye depi jodi a si w vle viv jan Bib la mande pou pitit li viv.

KI KOTE BONDYE RETE ?

Nan tan Ansyen Kontra a, Bondye te rete nan Tanp la (Ezayi 56.7; Abaki 2.20; Jer 7.17). Men sa Li di pou Nouvo Kontra a :
1 Kor 3.16 : Nou se Tanp Bondye a
1 Kor 6.19 : Kò nou se Tanp Sentespri a
Trav 17.24 : Bondye pa rete nan Tanp lòm fè ak men ankò

ESKE BONDYE RETE NAN LEGLIZ LA?

Gen anpil moun ki konn di ke Bondye nan legliz la, fòn gen respè pou tanp li a. Se pa vre daprè tout sa nou sot aprann la a. Legliz la se pa kay la, se tout moun ki reyini yo. Kay la rele “Kay kote legliz la reyini” (La maison de l’Eglise). Depi moun yo ale, pa gen legliz ankò. Lè nou di Bondye la nan legliz la, sa fè konprann ke Li pat la, Li konn pa la. Ou sot aprann ke Bondye tout kote an menm tan (omniprésent). Kidonk, se yon erè lè nou di Bondye legliz la, li pat janm pa la, e pandan Li legliz la, Li deyò a, Li nan syèl la, Li nan tout legliz sou tout latè.

Kwayans ke legliz la se kay Bondye a fè anpil moun pa ale legliz poutèt yo pa gen bèl rad. Yo bezwen byen abiye paske y ap vin nan prezans Bondye. Nan Matye 28.20b, Jezi di Li avèk nou pou tout tan. Eske lè yon moun al nan mache, lekòl, fèt, gradyasyon elatriye, li pa gen rad sou li ? Si li gen rad sou li, èske Bondye pa kote li ye a? Si se vre, poukisa fòk li gen rad pou l ale legliz la ? Menm jan w fre pou w al legliz la, ou dwe toujou fre tout kote. Se sa ki fè kretyen an dwe toujou byen abiye, rad li pa dwe kite pati ki sansib nan kò li deyò paske kò l se tanp Sentespri a (1 Ko 3.16). Bondye ta renmen rete nan ou jodi a menm si w kwè nan Pitit li a Jezikri.

KEK VERITE

Nouvo Kontra a, soti nan Women pou rive Jid, te ekri pou pitit Bondye yo, se pat pou kreyati li yo.
Se pa paske w konn li labib k’ap fè w vin pitit Bondye, men se paske w ap pratike sa ou li yo.
E li enposib pou w pratike tout sa ou li yo si w pa pitit Bondye.

Jérôme Dorsonne Emerson

Etid Biblik: Bib la, Pawòl Bondye a

ENPÒTANS ETID SA A.-

Pou yon moun kwè nan Bondye, fòk li kwè ke Bib la se Pawòl Li li ye, paske se ladan li, Li revele volonte li (Det 29.29; Jan 8.31). Pèsonn pa ka deklare li sove si li pa konnen Bondye, Jezikri (Jan 17.3) ak resevwa pouvwa Sentespri a ki se mak letanp Bondye mete sou tout pitit li yo, kretyen yo, pou dènye jou delivrans la (Efez 4.30). Tout sa fè pati Bòn Nouvèl la (Jan 3.16) ki gen pou tèm : lanmou Bondye pou lemonn.

KISA BIB LA YE?

Se yon liv ki gen ladan 66 pati ke yo rele liv tou. Li divize nan 2 Kontra (Testament, fr) : Ansyen Kontra (37 liv) ak Nouvo Kontra a (29 liv). Bib la te ekri nan 3 lang orijinal ki se arameyen, grèk ak ebre. Se anviwon 40 moun ki te ekri liv sa yo sou enspirasyon Sentespri Bondye a (2 Tim 3.16 ; 2 Pye 1.21) nan yon peryòd 1.600 lane konsa.

BIB LA PA GEN KONTRADIKSYON LADAN

Jan anpil moun panse l, Bib la pa gen kontradiksyon, paske Bondye se yon Bondye ki gen lòd (1 Korent 14.34). Yon lòt rezon ki fè kwè ke Bib la kontredi tèt li, se paske gen anpil doktrin ki fèt sou vèsè men ki pa fèt sou sa Bib la di nan tout entegralite li. Si chak moun gen yon kantite vèsè yo renmen, se posib pou yo nan diskisyon, divizyon. Youn nan 40 moun ki te ekri Bib la di konsa: “ Chak moun ap di yon bagay diferan. Sa a di: Mwen se moun Pòl. Yon lòt di: Mwen se moun Apolòs. Yon lò ankò : Mwen se moun Kris la. Nan kondisyon sa a, Kris la genlè divize(Efezyen 4) ? Eske se Pòl yo te kloure sou kwa(Matye 27.35) a pou nou ? Osinon, èske se nan non Pòl yo te batize (Trvay 2.38) nou? » (1 Korent 1.12-13). Kidonk, san nou pa bezwen site tout relijyon, sèk ou konnen yo, ou deja wè kisa ki fè gen moun ki panse ke Bib la gen kontradiksyon. Se sa ki fè, pou levanjil la transfòme w li enpòtan pou n chache konnen laverite. Fòk ou kwè nan tout Bib la, se pa pran pati ki fè w plezi epi kite lòt ki difisil pou a.

OBJEKTIF BIB LA

Imajine yon moun ki gen kòb epi k’ap mouri grangou. Li pran plezi di li gen anpil kòb, epi li pa sèvi ak yo. Se konsa yon moun ki gen yon Bib epi ki pap viv jan Bondye vle l la. Poukisa ?

1. Bib la devwale plan Bondye pou lòm (Jan 3.16 ; Rev 20).
2. Bib la pa janm bay manti ( Sòm 22.18 ; Matye 27.35).
3. Bib la fòme nou sou plizyè pwen  (2 Tim 2.16).
4. Bib la moutre nou kijan pou n sèvi Bondye (Efezyen 4.17-23).
5. Pawòl ki nan Bib la fèn dekouvri laverite (Jan 8.31).
6. Pawòl ki nan Bib la bay libète (Jan 8.32)

Gen lòt rezon toujou, men sa yo sifi pou fè n wè ke objektif Bib la se pa pou fè moun fò nan konnen vèsè sèlman, men fòk moun ki konn vèsè a pratike sa li konnen an tou. Tande sa Jezi di yon fanm: “ Moun ki koute pawòl Bondye a epi ki mete l an pratik, se yo menm Bondye beni” (Lik 11.28). Konsa nou wè gen 3 etap konsa pou yon moun pase pou l pwouve kwayans li nan sa ki di nan Bib la.
1.Tande
2.Kenbe sa li tande a
3.Fè sa li kenbe a

Si li pa pase 3 etap sa yo, se sèten li pa kwè nan Bondye, ni nan sa ki ekri nan Bib la. Eske w kwè nan Bib la?

KISA PAWÒL BONDYE A FÈ AN JENERAL?

Avèk Pawòl li sèlman, Bondye fè anpil bagay, tankou:

1. Li te kreye syèl la ak tè a ak tout sa ki ladan (Sòm 3.6-).
2. Li bay lavi (Jan 6.63).
3. Li fè moun viv byen (Sòm 119.9,11).
4. Li se yon limyè nan lavi moun ( 2 Pyè 1.19).
5. Li bay entèlijans nan yon monn ki nan fè nwa (Sòm 9.19).
6. Li se manje pou lespri lòm (Matye 4.4).
7. Li fè moun grandi (1 Pyè 2.2).
8. Li se yon semans (2 Korent 9.10).
9. Li se yon nepe (Ebre 4.12, Efe 6.17).
10. Li fè moun pran prekosyon nan sa y ap fè (Matye 7.26).

Tout sa se prèv pou moutre ke Bondye merite konfyans lòm, adorasyon li ak obeyisans nan sa Li di. Si Li te ka fè syèl la ak tè a, pa gen anyen Li pa ka fè pou pitit li, depi sa dakò ak Sentete li.

KISA PAWÒL BONDYE A KA FÈ NAN LAVI W?

Si yon moun di w li manje, gen plizyè bagay ki ka pwouve w sa, pa vre ? Pa egzanp : Li kontan, vant li ka pouse, li gen fòs pou l travay, li refize lè w ofri li, elatriye. Menm jan an, lè yon moun di li kwè nan Bib la, fòk gen bagay ki pwouve sa. Sa pa vle di w ap jije moun lan, men fòk li pa nan bay manti tou. Men kèk bagay ke Bib la ka fè nan lavi yon moun ki kwè ladan. N’ap aprann 10 sèlman.

1. Li bay fwi ki di li chanje vre (Matye 3.8).
2. Fwi sa yo soti nan Sentespri a (Galat 5.22).
3. Li se yon lòt moun nan Kris la (2 Korent 5.17).
4. Li chache konnen sa ki fè Bondye plezi (Efe 5.10).
5. Li pa nan relasyon santimantal ak payen yo (2 Korent 6.14).
6. Li pa wont lè li nan pèsekisyon pou levanjil.(Matye 5.10).
7. Li pa wont paske l’ap soufri pou levanjil. (1 Pyè 4.10-19).
8. Li renmen frè li ak sè li nan levanjil (Jan 17.34).
9. Li pap viv nan plasay ( 1Tesa 4.3-5).
10.Li pataje pawòl la ak sila yo ki pa konnen l. (Mak 16.15).

Si yon moun kwè nan Bondye, li dwe kwè nan sa Li di tou. Paske menm Bondye ki nan syèl la, ki te kreye tout bagay yo, ki konn delivre, geri, debloke, chanje ak sekirize, se menm Li menm nan tou ki di pou nou pa fè peche (1 Jan 3.9). Se pwoblèm sa a Bib la vin regle ak lòm (Women 6.23).

KÈK VERITE NOU DWE KONNEN

1.Pa gen liv ki pi gran pase Bib la.
2.Pyès liv sou latè pa ka konpare ak Bib la.
3.Gen yon sèl Bib, men gen plizyè tradiksyon nan plizyè lang pou plizyè nasyon ka konprann mesaj la.
4.Genyen ak konn li Bib la pa vle di yon moun se kretyen pou sa.
5.Konesans lèzòm pa ka pèmèt nou konprann tout sa ki ekri nan Bib la, se Sentespri Bondye a ki pèmèt sa (1 Korent 2.14-15).
6. Yon moun ki pa konvèti pa ka konprann sa ki nan Bib la.

Jérôme Dorsonne Emerson

Méditation du jour: La vie, c'est le temps

L'année a 12 mois, 52 semaines, 365 jours environ, 8 760 heures, 525 600 minutes, 31 536 000 secondes. Voilà la vie en chiffre. Nous vivons mathématiquement.

Chaque jour, notre vie dépend d'un chiffre ou de plusieurs. Mon bébé a déjà vécu  250 heures environ, 10 jours, 15 000 minutes, 900 000 secondes.

Comme c'est drôle de lever les yeux vers l'horloge qui nous indique l'heure, le temps qu'il nous reste à vivre. Il est 5h du matin. C'est un nouveau jour. Monsieur, vous avez l'heure? Quelle heure est-il? Quel jour sommes-nous? 01 décembre? mais l'année marche vers sa fin? Ce sont les questions que nous nous posons souvent.

Nous attendons la fin de la journée pour nous reposer. A 4hpm, nous devons laisser le travail. Les écoliers, les étudiants, les professeurs, tout le monde bouge en tenant compte de l'heure. Je dois rentrer chez-moi maintenant. Il se fait tard. Je vous attendais depuis longtemps. Quand un de vos proches est mort, vous demandez sans hésiter: quand? à quelle heure? Voyez-vous? Votre vie, c'est le temps, c'est le chiffre.

Aucun de nous ne sait combien de jours il vivra. Conscient de cela, nous passons la majeure partie du jour que nous vivons à nous occuper de ce qui ne peut nous garantir un autre jour. Nous rions, nous nous relaxons, nous travaillons, nous péchons et à la fin de la journée, nous dormons. Et ainsi, nous sommes tellement habitués à nos activités dans cette vie que nous avons oublié notre destination.

Moïse a prié Dieu :"Les jours de nos années s'élèvent à soixante-dix ans, et, pour les plus robustes, à quatre-vingts ans; et l'orgueil qu'ils en tirent n'est que peine et misère, car il passe vite, et nous nous envolons. Qui prend garde à la force de ta colère, et à ton courroux, selon la crainte qui t'est due? Enseigne-nous à bien compter nos jours, afin que nous appliquions notre coeur à la sagesse." (Ps 90.10-12)

Comptez vos jours, mon frère, ma soeur, mais faites le bien parce que bientôt vous partirez vers l'éternité. Ce sera dans un jour, une heure, une minute ou dans une seconde.

Que Dieu vous protège aujourd'hui en attendant la fin de votre temps!

Jérôme Dorsonne Emerson