Meditasyon pou jodi a #91 : Lavi Jezi nan lanmò lòm

Lè w koupab, sa ka koute lanmò w menm jan lè w inosan.
Lanmò pa ni jij ni avoka.

Di verite ka fè w mouri menm jan ak bay manti.
Lanmò toujou gen rezon pou l aji.

Yon maladi ka tiye w menm jan ak yon medikaman.
Lanmò pa ni doktè ni famasyen.

Ka manje ka tiye w menm jan ak pa ka manje.
Se kò ou ki se manje pou lanmò.

Ou se yon timoun, yon jèn, yon granmoun ?
Depi w fèt, ou ka mouri.

Richès ou ka tiye w menm jan ak malsite w.
Lanmò pa konn ni bwè, ni manje ni abiye.

Ke w bèl ou lèd, ou gen souf.
Se sa ki atire lanmò sou ou.

Metriz ou devan yon danje ka lakoz lanmò w menm jan ak lè w pè.
Lanmò pa gen doulè.

Tèt di ka tiye w menm jan ak lafwa ou.
Lanmò pa ni yon doktrin ni yon relijyon.

Jezi pa pwomèt pou l epanye ou de lanmò fizik, men de lanfè ki se lanmò etènèl la (Revelasyon 20.15). Kennenpòt sa w fè, w ap mouri yon jou paske ou se yon pechpecheè (Women 3.23) men si ou kwè nan Jezikri, w ap viv aprè lanmò.

Jezi te di : « Se mwen menm ki leve moun mouri yo, se mwen menm ki bay lavi. Moun ki mete konfyans yo nan mwen, yo gen pou yo viv menm si yo rive mouri” (Jan 11.25)

Pase yon bon jounen !

Jérôme Dorsonne Emerson