Sa w pa dwe bliye nan fè pitit ou bèl

|EDIKASYON FAMILYAL 

Se bèl bagay lè yon paran pran swen pitit li. Li trime pou l ba li tout sa l bezwen: kote pou rete, manje, bwè, peye lekòl, rad, swen sante ak mwayen pou lwazi. Yon ti moun ki jwenn tout sa yo ka di l ap byen viv parapò ak lòt ki pa kapab e ki konn òfelen. 

Men, nan ka yon tifi k ap leve nan sosyete sa a san  kontwòl sou konpòtman li, zanmitay li, moun k ap kotwaye l, felisite l, koutize l e menm fè l pwopozisyon malonèt, se yon gwo danje pou avni li e pou envestisman paran li. 

Paran ayisyen sitou plis kwè nan depans pou fè pitit fi yo bèl men non pou edike yo. Sa ki fè malgre tout efò yo, timoun sa yo malelve, enpridan, ekstravagan. Tou kout, yo frajil. Paran ki konprann nesesite pou bay yon edikasyon konplè, pou majorite, itilize, malerezman, vyolans vèbal e fizik pou tante jwenn bon rezilta. Si sa mache pou kèk ka, li pa yon bon metòd pou byen leve timoun.

Bay timoun bon levasyon pa chita sèlman sou tout sa n sot site nan kòmansman tèks la. Li anglobe tout sa timoun sa ka jwenn pou devlopman kò li ak lespri li. Entèlijan lekòl pa vle di byenelve. San edikasyon seksyèl ak konfyans paran, tout timoun, sitou tifi yo, ka vin sous imoralite, delenkans, povrete, restavèk, pwostitisyon, analfebetis, elatriye. 

Twòp inegalite nan edikasyon timoun ki gen bon ak paran ki pa kapab fè anpil efò pa bay bon rezilta. Paske, lè timoun ki byen leve yo toujou ap viv pami sa ki pa yo, devlopman yo tounen danje e eskiz pou vyòl ak abi seksyèl. 

Ou menm ki se paran, li pa twò ta pou w evite pi mal. Chita ak pitit ou pou w fè moral li. Bote l ka yon opòtinite pou l reyisi men san edikasyon, se yon chans. Lè pitit ou bèl, entelijan lekòl e byen edike seksyèlman, ou pa bezwen bay tèt ou pwoblèm pou reyisit li nan lavi. Se baz yon siksè asire.

Ann asire edikasyon pitit nou okonplè. 

JDE

Plizyè fason nou inyore divèsite nan sosyete a

Reyalite pa w pa reyalite pa m, ni pa l, ni pa pèsonn. Lavi a gen sans men l pa gen menm sans pou nou tout. Ki fè, nou pa ka fè menm bagay, ni konprann monn lan menm jan paske nou chak se yon moun e chak moun gen yon bagay li ka fè, swa gras ak yon don oswa yon aprantisaj. 

Poutan, anpil fwa, nou minimize travay, kreyativite lòt moun jis paske yo p ap fè sa n ap fè oswa n pa renmen sa y ap fè. 

Jodi a, m pot kèk deklarasyon nou konn itilize ki montre nou pa dakò moun diferan nou. 

1. Misye pa konn sa l ap fè a.

2. M ka fè sa a tou. 

3. Sa l ap fè a pa bon.

4. M pa renmen metye sa pou li.

5. Sa a li chwazi fè?

6. Li bezwen fè tout bagay. 

Kalite panse sa yo kreye kreye santiman negatif lakay nou, tankou endiferans, jalouzi, egri ak mechanste. E se sa ki fè jèn ki gen talan yo pa ka viv sou sa y ap fè. Yo oblije ret ap jemi oswa fè sa tout moun ap fè jiskaske yo echwe nan alkòl, imoralite seksyèl ak delenkans. 

Èske se povrete ki fè jèn yo pa jwenn ankadreman? Non. Nou pa konn apresye ak viv nan solidarite. Nou pito sipòte tout sa k ap detwi nou mantalman pase pou n sipòte sa k ap fè nou pwogrese. 

Nou pa ka fè menm bagay men nou chak ka sipòte sa yon lòt ap fè paske se pwogrè chak moun ki pote chanjman kolektif. 

Ann sipòte chak moun nan sa l ap fè san nou pa bezwen jije chwa li. Nou tout pa ka fè menm bagay men nou youn ka sipòte lòt nan sa l ap fè. 

JDE

Dizyèm obstak ki ka fè w pa ka sèvi Bondye byen

|PIBLIKASYON/EVANJELIK 

Dizyèm obstak

W AP PRATIKE PECHE SEKSYÈL YO

___________________________

📚 Èske w li premye nimewo a deja? Klike sou tit la pou w telechaje l REFLEKSYON BIBLIK SOU LAVI KRETYEN AN

___________________________

📧 Ekri JDE nan profesame@gmail.com 

📞 (509) 3639-6642

Like Facebook Page: Jde-Haiti-Officiel

___________________________

Dènye obstak sa a se youn nan pi gran yo. 

Mwen raple m pastè Marcello Tunasi, nan youn nan mesaj li yo, te bay rezon ki fè peche seksyèl se peche ki pi difisil pou kite. Se paske chak lè w fin fè l, ou toujou anvi refè l. Se tankou li vin yon dwòg ou pa ka pa pran pou w viv. Se pa menm jan ak yon mal ou ka fè pa aksidan e ou evite l. 

Fònikasyon ak adiltè se de peche moun pa kite fasil e se yo ki kreye gwo obstak nan lavi anpil moun ki vle sèvi Bondye. Ou ka li liv sa a pou w jwenn mwayen pou w lite kont yo. Klike la pou w telechaje l gratis 👉KONSÈY POU EVITE FÒNIKASYON.

Peche sa yo mete nan lavi w dout, perèz, kè sote, neglijans pou lapriyè, distans kont tout sa ki twò esprityèl ak santiman kilpabilite. Se ou menm ki pou deside kite yo, sinon w ap rive nan yon moman y ap vin nòmal. E lè sa a, se nan ipokrizi ou pral sèvi Bondye. Konsyans ou p ap janm sispann di w lavi w pa pwòp.

📲 Telechaje REFLEKSYON BIBLIK SOU LAVI KRETYEN, #2

Jérôme Dorsonne Emerson 

Ektrè REFLEKSYON BIBLIK SOU LAVI KRETYEN AN, #2

P27,28

Setyèm obstak ki fè w pa ka sèvi Bondye byen

|PIBLIKASYON/EVANJELIK 

Setyèm obstak

OU PLIS SIVEYE LAVI LÒT MOUN PASE PA W

___________________________

📚 Èske w li premye nimewo a deja? Klike sou tit la pou w telechaje l REFLEKSYON BIBLIK SOU LAVI KRETYEN AN

___________________________

📧 Ekri JDE nan profesame@gmail.com 

📞 (509) 3639-6642

Like Facebook Page: Jde-Haiti-Officiel

___________________________

Gen de vèsè m toujou itilize pou m esplike reyaksyon yon kretyen ta dwe genyen anfas peche lòt moun: 

1. Jak 5.19-20

2. 1 Jan 5.16

Nan Jak 5.19-20 an, apot Jak montre ramne yon frè nan yon move chemen ka fè de byen: 1) li rache yon nanm anba lanmò epi 2) li jwenn padon pou anpil peche. Sa fè, li pi bon pou w chache ede moun k ap viv nan peche pase pou w ap siveye yo pou denonse yo. Se pa travay sèvitè Bondye sa, daprè tèks sa a. Sa pa vle di pou w tolere yon peche nonplis, men pale yon frè mal pa miyò pase tolere l nan peche. Bondye pa mande fè ni youn ni lòt. 

Nan 1 Jan 5.16 la, apot Jan montre sèvitè Bondye a dwe fè prèv konpasyon ak entèsesyon lè li wè yon frè tonbe. Li pa ka nan denonse ni nan pran plezi nan chit li, li dwe lapriyè pou li. Pwiske apot la pa mansyone ki peche pou yo pa priye pou li a, sèvitè Bondye a dwe lapriyè pou tout peche. 

Konesans Bondye ba ou a se pa pou w jije moun, rann lavi yo enposib, denonse yo, fache ak yo, domine yo, abize yo. Li ba w li pou w fè travay li e aplikasyon de vèsè sa yo antre nan sèvis tout kretyen k ap sèvi Bondye byen.

📲 Telechaje REFLEKSYON BIBLIK SOU LAVI KRETYEN, #2

Jérôme Dorsonne Emerson 

Ektrè REFLEKSYON BIBLIK SOU LAVI KRETYEN AN, #2

P27,28

Refleksyon sou jèn k ap fè pitit bonè san prepare yo

| GWOSÈS AVAN LÈ

📬 Ou gen kesyon? Ekri m nan profesame@gmail.com 

🗞 Ou li biyè sa deja? 👉 10 rezon ki fè plis fè jèn fi yo ansent avan lè

Alèkile, gen plis jèn k ap fè timoun pase adilt yo. Majorite gwosès sa yo pa fèt lè paran yo prè, sa nou rele gwosès avan lè a. Si pa gen otorite ki panche sou sa, se plis danje ki plane sou ekonomi ak edikasyon peyi a. 

Non sèlman jèn paran yo pa prè nan nivo ekonomik, yo pa prè pou edike yo nonplis paske yo pa t edike nonplis e, anpil fwa, se paske paran yo ki pa t resevwa ase tou, sa ki ap alonje chèn "timoun malelve" ak tout deriv ki mache ak li, tankou delenkans. 

Si nan yon tan, se te jèn  ki pa t rete lakay paran ki te konn ansent bonè, nou etone wè se plis timoun ki kay paran k ap viktim. Ant Ministè Edikasyon Nasyonal, direktè lekòl, legliz, pwofesè ak paran, kilès ki responsab? 

Si pa gen bon mezi ki pran kont monte enkontwolab to gwosès prekòs la, nan 10 lane ankò, n ap gen yon popilasyon k ap gen plis jèn k ap nan enkapasite pou viv. Mete sou sa, paran yo k ap gen plis pase 30-40 lane p ap ka ede yo. 

Yon lòt kote, anpil nan jèn paran sa yo ap debat pou siviv men yo manke sipò ki konn lakoz yon dezyèm gwosès pou pran swen premye pitit la. Men finalman, rezilta a pa satisfè pou lontan paske relasyon sikonstansyèl sa yo pa dire. Poutan, timoun yo toujou vivan. 

Kòman nou ka redwi to gwosès avan lè a parapò ak reyalite sa a?

Li lè li tan pou n aji pou sove timoun yo!

Pourquoi aimes-tu quelqu'un que les autres n'approuvent pas?

📬 Questions? Écris-moi à profesame@gmail.com 

🗞 Déjà lu? 👉 Pourquoi devons-nous faire face à autant de défis dans la vie?

|RELATION AMOUREUSE

La cause principale de ceux qui jugent le choix de partenaire est l'ignorance de la définition du mot "amour". Plus d'un pensent qu'on doit respecter à la lettre les critères sociaux ou imposés par la société pour se faire un bon partenaire alors que l'amour est un sentiment. 

Étant tel, l'amour ne peut être vrai s'il est le résultat d'une conception humaine qui est souvent discriminatoire. L'amour, c'est l'amour et rien d'autre que ça. Tout ce qu'on y ajoute le dénature. L'échec des couples, fiancés ou mariés, est une preuve flagrante.

Alors, si une personne n'approuve pas le choix de ton partenaire, c'est parce qu'elle n'est pas toi. Aussi simple que ça et c'est normal, tu n'as aucune raison de te battre contre la vérité. Il est évident que celui qui n'est pas comme toi ne peut pas avoir ton sentiment. 

On peut voir la même personne et s'accorder sur sa couleur, sa forme et sa taille mais quant à la question de l'aimer, ça peut être différent. Jean peut l'aimer pour sa couleur, Jeanne adore sa forme et toi, tu l'aimes pour sa taille. La différence n'est pourtant pas contradictoire, elle est naturelle. En effet, ce qui fait naitre ce sentiment d'amour en toi est différent. 

Tu n'es pas obligé d'aimer une personne que tout le monde aime. Chacun a ses sentiments propres à son jugement, son éducation, sa liberté et sa conception de la vie. 

Toutefois, libre de choisir d'aimer qui tu veux ne t'exempte pas de conséquences qui en découlent. Je pense que c'est ce principe qui devrait te préoccuper dans ton choix et non l'approbation des autres. Vous avez tous raison: les autres parce qu'ils ne sont pas toi, et toi parce que tu n'es pas les autres. 

JDE

Pourquoi devons-nous faire face à autant de défis dans la vie?

📬 Questions? Écris-moi à profesame@gmail.com 

🗞 Déjà lu? 👉 Les six choses qui peuvent te décourager dans ta marche avec Christ

Nous nous demandons souvent, dans les moments difficiles, pourquoi devons-nous affronter tant d'obstacles. Les réponses ne sont pas si faciles à trouver. D'ailleurs, ceux qui pourraient nous répondre sont dans le même bateau. Que croire alors? À qui nous adresser?

Certaines personnes n'ont plus le courage de continuer à résister, elles se remettent entre les mains du destin tandis que d'autres se suicident et d'autres encore tiennent le coup dans la résignation. N'ayant plus de munitions pour tenir fermes face aux adversaires, elles se déclarent vaincues. 

Pourtant, il existe bien de réponses à cette question complexe. En effet, plusieurs raisons peuvent étre à la source de ces défis. Parmi elles, je dirais que c'est parce que la vie est un combat. La Bible et la philosophie sont d'accord sur ce point. En Exode 14.14, il est écrit: "L'Éternel combattra pour vous; et vous, gardez le silence". De Victor Hugo, on a cette célèbre ciation: "Ceux qui vivent sont ceux qui luttent". 

Voici, en conséquence, quelques citations pour mieux t'expliquer le sens des défis auxquels tu fais face tous les jours.

1. Garde ta peur pour toi-même et partage ton courage avec les autres. Robert Louis Stevenson 

2. Bats-toi pour ce en quoi tu crois, même si cela veut dire que tu dois combattre seul. Les Beaux Proverbes

3. Une personne forte n'est pas celle qui ne pleure pas. C'est celle qui pleure, qui sèche ses larmes et se relève pour continuer le combat. Santé Plus 

4. Le combat que tu mènes aujourd'hui t'aidera à développer la force dont tu auras besoin demain, alors n'abandonne jamais. Les Beaux Proverbes

5. Ceux qui vivent sont ceux qui luttent. Victor Hugo

6. Cela semble impossible jusqu'à ce qu'on le fasse. Nelson Mandela

7. J'ai combattu le bon combat, j'ai achévé la course, j'ai gardé la foi. Apôtre Paul

8. Toutes les batailles de la vie nous enseignent quelque chose, même celles que nous perdons. Paulo Coelho 

Bon combat, cher (chère) lecteur (trice) 

⏩ Prochain article: POURQUOI AIMES-TU QUELQU'UN QUE LES AUTRES N'APPROUVENT PAS? 

JDE