Kisa ki ka lakoz ou fè sèks ak yon zanmi?

|EDIKASYON SEKSYÈL

Wetan yon relasyon ofisyèl, lajan ak vyòl, gen yon ansanm etap ki ka fè w tonbe ak yon moun ki pa gen yon relasyon santimantal ak ou. Se pa yon reyalite pou tout moun men se prensip ak respè ki dwe aplike.

Mwen pa bezwen mande w si sa rive w deja men m konnen depi w vivan, sa posib. Si sa pot ko rive, ou pral konnen kòman pou w evite l. Si l te rive deja, ou pral konprann li pou w ka epanye lòt moun oswa evite fè menm erè a.

1. ABITID

Ou konn pale ak moun sa a souvan swa nan zòn ou, nan kay la, nan travay la oswa sou rezo sosyal. Abitid sa a vin mete w alèz nan relasyon an jis ou ka menm jalou alòske ou pa patnè li.

2. DISPONIBLITE

Li toujou la lè w bezwen l, swa ou rele l oswa li ret prè w. Se sa ki pral fè l ap konnen anpil pwoblèm ou paske emosyonèlman, tout sa k ap pase w ou rakonte l ak moun ki prezan oswa pi ouvè pou koute w la.

3. ENKAPASITE POU REZISTE

Se pa menaj ou, fiyanse oswa konjwen ou men ou gen yon anvi w pa ka sipòte e ki fè w pa alèz. Ou jennen, w ap kalkile kisa w ta fè e ki mal k ap genyen si w fè l.

4. MINIMIZASYON

Ou di tèt ou: bon, sa pa anyen. Pou yon fwa. Nou alèz, pèsonn p ap konnen e li p ap gen konsekans sou demen. Depi w gentan pwograme lespri w konsa, tout ka posib.

Si w pase nan kat etap sa yo deja ou pa tonbe nan relasyon seksyèl ak yon zanmi w, pa kite menm premye ak dezyèm nan kòmanse rive.

Plis nou li
Plis nou konprann!

JDE

Ki nati pwoblèm ou genyen an?

|LIDÈCHIP

Konnen nati pwoblèm ou genyen an enpòtan anpil nan pwosesis pou w jwenn solisyon li. Antanke lidè, ou dwe ka idantifye pwoblèm ki nan gwoup ou a oswa legliz ou a avan w panse rezoud li. Paske, gen anpil ti pwoblèm ki konn vin gwo e anpil gwo pwoblèm pase pou piti.

Yon pwoblèm ka gen 3 nati: senp, konplike e konplèks.

1. Yon pwoblèm senp

Pwoblèm ou an pa bezwen anpil moun, tan oswa lajan pou l rezoud. Depi w esplike l, li fasil pou konprann e yo ka ede w nan yon bat je.

Egzanp:

Pwoblèm: Ou grangou.
Solisyon: Yo ba w manje

2. Yon pwoblèm konplike

Problèm nan konplike oswa difisil lè solisyon li depann de plizyè moun, anpil tan oswa lajan. Toutfwa, depi tout moun yo dakò, yo ka ede w rezoud li menmsi l ap pran tan e koute.

Egzanp:

Pwoblèm: Yon pwòch ou nan prizon enfo. Ou bezwen libere l men fòk ou gen lajan ak avoka.

Solisyon: Zanmi w, fanmi w, moun ki touche de pwoblèm nan, yon avoka dakò ede w. Chak moun jwe wòl yo selon resous yo epi pwòch ou libere.

3. Yon pwoblèm konplèks

Pwoblèm sa a konplike men solisyon depann de plizyè moun ki divize sou mwayen pou rezoud li a. Yo vle sa men youn oswa yon gwoup dakò, lòt la pa dakò pou yon rezon ki ka pèsonèl, politik, relijye...

Egzanp

Devrais-tu craindre l'enfer?

L'enfer n'existe pas, c'est ce que disent ceux qui croient que Dieu est amour et ceux qui trouvent que les chrétiens soient méchants et ignorants. Quel est ton avis? Devrais-tu craindre l'enfer?

Ma réponse est celle-ci: tu devrais craindre Dieu qui t'a donné une vie et qui peut la reprendre à n’importe quel instant. Et pose-toi ces questions: Pourquoi j'existe? Qu'est-ce qui m'attend après la mort? Est-il aussi simple de naître, vivre et mourir sans être redevable de l'inaccomplissement de ma mission?

Moult personnes soutiennent qu'il n'y a rien après la mort et que l'enfer ainsi que le paradis sont sur cette terre. Perso, je me pose ces questions: Pourquoi une bonne personne est morte assassinée, empoisonnée ou tuée innocemment et lâchement par balles? Et pourquoi un méchant continue de vivre malgré ses crimes connus et/ou avoués?

Entre ces deux questions, laquelle pourras-tu répondre pour démontrer que l'enfer est bien sur cette terre?

En attendant ta réponse, cette question mérite ton attention la plus solenelle : Si les méchants sont toujours vivants et ne paient pas de leurs crimes ici-bas, Dieu serait-il juste envers eux et injuste envers les bons qui sont victimes? Ou, l'enfer est-il pour les bons ou pour les méchants? Tu trouveras une réponse en ce verset: Jean 5.28-29.

JDE

Granmoun avan lè se konsekans iresponsablite paran

|FANMI

Lè yon paran pa ka pran swen pitit li kòmsadwa, premye pèt li se otorite l ki pral fè l pèdi respè li, wòl li, enfliyans li ak fyète li nan kay la. Se sa ki pral fè timoun sa a viv tankou li te fè tèt li. L ap pran desizyon pou kont li san panse ak konsekans yo nan fiti li.

Toutfwa, gen timoun ki toujou obeyi paran yo malgre yo pa jwenn sipò yo. Kalite timoun sa yo konn travay pou sove imaj fanmi an san yo pa blame paran yo ni kite yo avan lè. 

Gen anviwon sis posiblite lè yon paran pa ka okipe pitit li. 

1. Pitit la tounen granmoun nan kay la avan lè men li p ap kite l pou paran l paske l pa gen kote li prale. Li p ap pran lòd, l ap viv jan li vle e li ka menm plase la. 

2. Pitit la kite kay la pou li ale rete kay youn nan fanmi an (tonton, kouzen, frè...), kay yon zanmi, yon vwazen, yon patwon. Li ka kite zòn nan nèt. Li ka chwazi viv lib, plase e mennen yon vi egzanplè. 

3. Pitit la kite peyi a nèt. Li ka ale Chili, Sendomeng, Brezil, USA, selon mwayen li. Dabitid, fanmi ayisyen yo sansib pou fè pitit yo vwayaje. Konsa, li konn plis fasil pou yo jwenn kòb pou regle zafè pati pase reyalize lòt bagay. 

4. Pitit la oblije marye bonè paske li gen yon fiyanse ki pwomèt l ap retire l nan sa l ye a. Sa ka fini byen oswa mal. 

5. Pitit la vin paran avan lè. Li ka gen plizyè pitit e menm plase oswa marye nan kay la. Paran li oblije koube anba tout reyalite yo paske li pa t ka evite yo. Gen ka kote se paran an ki kite kay la pou pitit la. 

6. Pitit pitit la grandi nan menm kay la jiskaske li fè pitit ladan tou. Sa ki vin bay yon fanmi elaji. Si te gen maryaj oswa plasay, divòs ak kite ka bay yon fanm rekonpoze. Reyalite sa a nan anpil fanmi, sitou nan pwovens. Nan kapital oswa vil yo, timoun ki vin granmoun yo ka nan lweyay oswa al abite kay zanmi oswa fiyanse li. 

Èske w konn yon lòt ka? Ekri li nan yon kòmantè.

JDE

Ou ta vle fè Jeunesse et Lecture yon don? 

PayPal: profesame@gmail.com

MonCash: 34154213

Faut-il regretter une relation brisée?

|MORALITÉ

S'il est vrai que la vie soit une école, il y a forcément une leçon en tout ce qui arrive aux vivants. De ce fait, éprouver du chagrin pour avoir perdu quelqu'un ou quelque chose peut être le résultat d'une lacune, d'où la nécessité de comprendre les bons côtés des maux de la vie pour mieux vivre car, on ne peut ne pas avoir des relations dans la société. 

Quelqu'un a dit ceci: "Aucune relation n'est une perte de temps. Si elle ne t'a pas apporté ce que tu cherchais, elle t'a montré ce que tu avais besoin". Ainsi, le regret serait une faute d'instruction puisqu'à tous les moments de la vie, on cherche toujours et on est constamment dans le besoin. 

Alors, si tu viens de connaitre une rupture dans une relation, amicale, familiale, professionnelle ou amoureuse, ne te laisse pas submergé par le regret au point de vouloir te faire du mal. Il y a toujours une leçon à tirer de tout ce qui nous arrive. Alors, au lieu de regretter une relation brisée, cherche le bon côté de sa rupture. 

Sois donc bon élève à l'école de la vie! 

JDE

Pour votre don à Jeunesse et Lecture 

PayPal: profesame@gmail.com
MonCash: 34154213

Sis BON KOTE nan echèk

MOTIVASYON JOUNEN AN

Lè w echwe, premye santiman w genyen se bay vag. Lè sa rive plizyèfwa, ou konn di w pa gen chans. Moun sa rive twòp yo konn reziye yo ak sò yo.

Jodi a m vin pale w toukout de sis bon kote ki gen nan echèk.

1. Ou te eseye

Se pa tout moun ki gen yon ide ki eseye. Yo souvan pè echwe. Se pa lafen si w pa atenn objektif ou te fikse a. Yo p ap blame w paske kontrèman ak parese e pesimis yo, ou te eseye.

2. Ou kapab

Si w te eseye, sa vle di w kapab. Echèk pa vle di w fèb ni w kreten. Gen reyalizasyon ki mande tan, kolaborasyon ak plis estrateji. Echèk la ka vle di w pran pasyans oswa chanje estrateji.

3. Ou fè yon eksperyans

Gen yon ide ak konfwonte ide a nan reyalite a se pa menm bagay. Pale anpil e di bèl pawòl pa vle di ou entèlijan. Eksperyans ka ba w konesans, fè w konprann lavi e gen sajès. Se pa siksè ki fè moun, siksè se rezilta plizyè echèk.

4. Ou pran yon leson

Lè w echwe, pa gade defèt la ak desepsyon an. Gade pito rezon ki fè w echwe a epi di tèt ou pwochèn fwa, w ap aji yon lòt fason. Pa fè menm erè a, sinon ou pa t aprann anyen.

5. Ou venk perèz ki te nan ou a

Lè w doute sou reyisit ou, premye santiman li ba w se perèz. Ou pa vle kòmanse pou w pa fini ni travay pou w pa jwenn rezilta. Ebyen, chak fwa w echwe, konnen ou reyisi devan perèz ki te ka fè w pa eseye.

6. Ou te ka reyisi

Kote w echwe a, se kote w rate okazyon an. Kidonk, se la w t ap reyisi. Pa panse twòp ak echèk la, panse ak lòt okazyon ki ka fè w reyisi.

JDE
-------------------------
Ou ta vle fè Jeunesse et Lecture yon don?
PayPal: profesame@gmail.com
MonCash: 34154213

Motivasyon jounen an

| MOTIVASYON

"Fè atansyon ak felisitasyon y ap ba w jodi a pou sa w ap fè byen paske se li menm ki ka koz yo blame w demen."

Pafwa, nan lavi, ou konn panse w p ap janm fè sa ki grav paske yo toujou felisite w pou anpil bagay ou fè. Lè konsa, ou santi w fyè. Se nòmal. Tout moun ta renmen konsa.

Men konsa tou, nan panse w fò, ou konnen, ou kapab, ou ka pran gwo so. Ou ka menm rive fè sa yo pa t janm panse epi se lè sa a, ou pral reyalize ou te dwe toujou pridan.

Si w wè y ap aplodi w jodi a pou sa w fè ki bon, pa met nan lespri w moun yo blame yo enferyè ou. Fòk ou toujou kenbe tèt ou pou jiskaske w mouri.

Byenke pawòl "Bondye pa peye kòmansman se lafen li peye a pa evanjelik", nou ka itilize l pou n aprann leson sa a: "Pa janm panse w fin bon akoz aplodisman".

Pase bon lajounen!

JDE