Siksè mande yon objektif klè

|MOTIVASYON POU JOUNEN AN

Se pa reyisi ki difisil nan lavi, se genyen yon objektif klè ki difisil la. Paske, tout sa w panse ki ka rive ap rive men fòk li ka rive.

Egzanp, si objektif ou se vin medsen, avoka, chantè e mekanisyen, yo pa klè. Pa gen twòp lyen ant okipasyon sa yo ki pral fè w p ap ka reyalize yo. E menmsi w ta vin tout, ou p ap ka fè tout.

Objektif ou a klè lè w pran san w pou w mete yon bi devan w pou w atenn. Ou gen tan pou li, ou pasyone de li, w ap panse sou li, ou fè tout sakrifis pou l reyalize. Ou dwe gen estabilite ladan tou.

Li pa pwoblèm si w ap fè lòt aktivite sou kote men objektif prensipal la gen priyorite. Egzanp, ou ka ap etidye dwa epi w gen yon ti biznis k ap mache. Aktivite sa a se pou w fè kòb. Li p ap nwi w nan etid ou.

Evite gen twòp pwojè ki mande yo tout tan w. Se sa ki pral anpeche w efikas paske jounen an gen 24è ladan e chak jou k ap pase ide yo ak sitiyasyon yo ap chanje. Tout sa gen enpak sou objektif ou a.

Fikse yon objektif senp, klè e adapte ak ou menm. Travay, panse e bay tan w pou li. Ou dwe reyisi ladan.

JDE

John Smath e Midielot, 2 jèn benevòl k ap aji

|BENEVOLA

Direksyon Jeunesse et Lecture felisite John Smarth ak Midielot Elien, 2 jèn benevòl ki te swiv kou sou BENEVOLA ak anpil siksè. Kou sa a te fèt gratis an liy e li te touche anviwon 28 moun.

Gras ak kou sa a, yo chak te chwazi yon gwoup timoun nan zòn yo Savàn Tapyon pou ede nan fason pa yo.

John Smarth fonde AVAT (ASOSYASYON VOLONTÈ POU ANKADRE TIMOUN) nan dat 10 me 2020. Misyon li se ankadre timoun, aprann yo viv ansanm e ede yo epanouyi.

Elien fonde MOSET ( MOUVMAN SITWAYEN POU EDE TIMOUN). Misyon li se anseye timoun yo,ede  yo devlope entelijans yo e grandi nan fratènite.

Nan dat 20 jiyè 2020, mesye yo te al vizite yon rezèvwa dlo nan zòn Titon ak timoun yo. Rezèvwa sa a alimante Chandèl, Tiwoche, Chanklòt ak Dòjan. Li la depi 2015. Yo te anviwon 28, 15 tigason ak 13 tifi.

Direksyon Jeunesse et Lecture ap ankouraje chak manm nan BENEVOLA POU CHANJMAN kontinye travay nan tèt ansanm pou byen kominote yo.

J&L

10 pensées positives de JDE

|MÉDITATION

Je vous présente 10 pensées que j'ai choisies de l'écrivain Jérôme Dorsonne Emerson pour cette semaine. N'hésitez pas à les partager à vos amis pour leur aider à devenir optimistes.

1-   S'il ne le fait pas, alors, ne le fais pas non plus. Sinon, fais silence.

2-  Ce jour que tu vis est la plus grande bénédiction venue de Dieu. Sois reconnaissant!

3-  Les réseaux sociaux montrent que beaucoup d'entre nous sont intelligents.
Mais la réalité montre que nous sommes majoritairement égoïstes.

4-  Tu t'occupes seulement de ta vie spirituelle, on dit que tu es anti-social.
Tu fais le social, on dit que c'est pas l'affaire d'un chrétien fais donc ce qui plaît à Dieu.

5-  Il ne t'aime pas, il ne t'aime pas. C'est son droit. Sois tolérant !

6-  Au lieu de te plaindre de ceux qui te détestent, rejoins et fais la fête avec ceux qui t'aiment.

7-  Si tu as commencé, tu peux finir si seulement tu deviens plus fort que celui qui a commencé.

8-  Sois fier de ce que tu es et confiant de ce que tu seras.

9-  Si tu continues a me juger pour les erreurs du passé,  c'est que tu vis encore dans mon passé. Repose en paix ! Ne viens surtout pas gâcher mon présent avec tes jugement zombieque!

10-  On ne sait jamais si un bien sera toujours un bien, jusqu'à ce que celui pour qui tu l'as fait se retourne contre toi.

À samedi prochain pour ma nouvelle collection. ❤

Ruth DÉRISIER
PETITE RIVIERE DE L'ARTIBONITE

Kisa ki fè w nan levanjil toujou?

|LEVANJIL

"Si n ap mache, se pa paske nou wè tout bagay klè, men se paske nou gen konfyans nan Kris la". (2 Korent 5.7)

Nou dekouraje souvan, nou anvi bay vag, nou vle tounen nan sistèm monn lan chak fwa nou gade sitiyasyon nou parapò ak lòt k ap viv byen e ki reyisi nan tout sa yo antreprann.

Pafwa, ou konn panse Bondye pa egziste jis ou rive doute de omnipotans li. Se nòmal, paske w ta renmen wè sa w kwè yo reyalize. Sepandan, ou bezwen konprann sans lafwa ou, wòl li jwe nan mach ou ak Kris la. Sinon, ou ka fayi.

Jan monn lan boulvèse la a, li mete tout moun nan REFLEKSYON. Kraze brize, ensekirite, grangou, pandemi, rasis, enjistis, vyòl, krim, imoralite nan tout grandè li ap vale tèren. Gen ase pou ou di ou pa kapab ankò. Men, tout tan ou nan kò sa a,  w ap toujou wè bagay yo konsa e Bondye konprann enkyetid ou, panik ou, dout ou. Dayè, pawòl li yo te ekri nan Bib la non sèlman pou anonse nou sa k ap rive nan dènye tan yo, men pou rekonfòte nou, gide nou e ogmante konfyans nou nan li.

Alò, si w wè bagay yo pa klè pou ou, se pa paske Jezi lage ou, okontrè, rete ou sou wout la malgre tout touman yo vle di ou gen konfyans nan li. Si w nan levanjil toujou, ou nan legliz toujou, w ap sèvi Bondye toujou andepi tout bagay, se pa dout pou w genyen. Pito, estime ou se yon moun ki gen konfyans k ap pèsevere.

Si w te wè tout bagay klè, li posib pou w te neglije sa ki pi enpòtan yo men boulvès yo fòme karaktè w e y ap prepare w pou fè fas ak tout obstak. Ke ou mouri oswa ou viv, tout se pou glwa Senyè a.

Rete nan levanjil!

Jérôme Dorsonne Emerson

Pa minimize sa w ap fè ak tout kè w

| MOTIVASYON

Sa w ap fè a ka piti. Li ka tèlman piti menm zanmi w, moun ki nan antouraj ou pa ba li enpòtans. E sa sèlman sifi pou demotive w. Men si w kontinye fè l byen, ak tout kè w, ak pasyon e pou byen tout moun, yon jou w ap wè rezilta a. Pa fè l pou w jwenn bravo, men pou w itil.

Alò, si w te santi w dekouraje paske w t ap fè yon bagay ki parèt piti, m vin di w jodi a : Pa panse konsa ankò"! Poukisa?

- paske se piti ki mennen gwo
- paske tout sa ki piti ka grandi
- paske kòmanse vo plis pase tann
- paske siksè se rezilta pwogrè

Kidonk, ou gen pou w vin gran nan sa w ap fè a si w kontinye fè l ak lanmou e pou byen tout moun.

Pa dekouraje!

JDE

Sis rezon ki ka fè yo manipile w

|DEVLOPMAN PÈSONÈL

Yo manipile w lè yo itilize w jan yo vle pou atenn yon obejektif. Yo abize ou san difikilte, e se alafen, w ap rann ou kont ou te nayif.

Nan yon moman nan lavi, nou chak te sibi manipilasyon e li toujou posib pou sa rive sitou lè nou inosan oswa inyoran nan yon domèn. Yon moun ka montre li nan enterè ou epi se mwayen l ap chache pou twonpe w. Konsa, gen anpil moun nan sosyete a yo itilize yo pou reyalize pwojè san yo pa konnen ni benefisye.

Nan atik sa a, nou pral wè sis nan plizyè rezon ki ka fè yo manipile w.

1. Inosans

Lè w inosan, ou pa nwi moun men feblès ou ka yon bon zouti pou yo manipile w paske li rann ou nayif. Ou kwè fasil nan sa yo di w e ou fè sa ki aranje yon moun san w pa wè se ou k ap travay pou malè w.

2. Imatirite

Depi w pa ka reflechi pou w konnen konsekans chwa ou ka genyen nan lavi w, y ap manipile w. W ap tankou yon avèg y ap mennen kote yo vle. Ou pa nan lojik, ou kwè tout sa yo di w e w pa pran konsèy nan men moun k ap klere w.

3. Inyorans

Lè w pa gen konesans nan yon domèn, ou inyoran. Kidonk, tout moun ka inyoran. Ebyen, si w pa entèlijan pou w konnen sa pou w fè lè w inyoran nan yon domèn, yo deja manipile w. Lè w pa sèten de sa w tande, pa kouri reyaji, mande lòt moun, y a fè w konnen.

4. Enstabilite

Ou chanje ide fasil, ou pa gen yon chwa ki defini karaktè w, gou w, kote w vle rive. Sa sifi pou yo manipile w. Nenpòt moun ka fè wpwomès, monte tèt ou jiskaske ou fè move chwa.

5. Mank konfyans

Mank konfyans fè w pa kwè ni fyè de chwa w fè e de moun ou ye a. Ou pa kwè w ka fè anyen ki gran. Sa ka lakoz ou reziye w e se konsa nenpòt moun ap ka mennen w.

6. Alamòd

Ou bezwen posede tout sa ki fèk parèt, nenpòt pri li koute a. Ebyen, y ap pwodwi pou satisfè w. W ap pran nan koukou pou tòt e w ap regrèt lè je w vin klè.

Gen yon gran diferans ant yon manipilatè ak yon lidè. Manipilatè a fè w swiv li pou l ka fè sa l vle e jwenn sa l bezwen tandike lidè a fè w swiv li pou l ka atenn yon objektif k ap bon pou tout moun.

Èske w santi yo te manipile w deja?
Ki youn nan sis pwen sa yo ki te lakoz?

JDE

Sauver? C'est facile mais très difficile!

|ÉVANGÉLIQUE

Il n'y a pas à discuter de la nature du salut, il est gratuit. C'est ce que la Bible déclare en plusieurs versets dont les plus connus sont Jean 3.16 et Éphésiens 2.8-9.

Toute personne peut être sauvée dès qu'elle se repente de ses péchés. Mais c'est ce qui rend le salut difficile, car comment se repentir de ses péchés? Peut-on continuer à commettre un péché confessé? Comment savoir si ses péchés sont vraiment pardonnés après la repentance?
On se pose souvent ces questions.

Dans une étude biblique ou une conférence sur le salut ou le péché, les auditeurs sortent souvent perplexes face aux prescriptions divines qui défient leur vie sur le plan social, culturel, sentimental et surtout, économique.

Prenons cet exemple d'une mère concubine qui doit prendre soin de ses trois enfants. Elle veut accepter Christ dans sa vie mais sa situation au foyer l'en empêche puisqu'elle devrait être mariée pour continuer sa vie sexuelle. Serait-ce facile de quitter son concubin pour être sauvé de l'immoralité sexuelle? Non, mais il est important de le faire puisqu'on ne peut vivre dans le péché après en avoir été sauvé.

Ce n'est donc pas le salut qui est difficile, mais la prise d'une décision pour se repentir de ses péchés et suivre Christ en dépit de tout obstacle (Mathieu  10.34-38).

Es-tu déjà sauvé?

JDE