Sa w te fè ak sa w ap fè koulye a

| MOTIVASYON 

Nan nenpòt moman ou ye nan lavi w, l ap toujou divize nan de (2) pati: ayè ak jodi. Ayè w se pase, jodi w se prezan. 

Sa w te fè, moun ou te ye a, jan w te konprann lavi a dwe toujou nan pase. Kanta pou prezan w lan, ou dwe meyè. 

Pa reyaji kont anyen ki nan pase w. Ou pa nan nivo sa a ankò. Ou pase etap la, koulye a, w ap pran yon lòt. 

Moun k ap pale de pase w la poko gen nouvèl vèsyon aplikasyon detèminasyon w. Si w bay sa y ap di valè, sa vle di w pa fè pwogrè. 

Se pou w kontan chak fwa w reyalize moun ou vin ye a lwen moun yo panse w ye a. Pwofite ri, apresye efò w fè ak eka ou kite ant sa w te ye, sa w te fè ak sa w ye e sa w ap fè. 

Ou pase twòp mizè pou w rive la epi pou w kite yon pawòl, yon panse, yon lojik fasil fè w tounen dèyè. Ou nan vrè chemen an.

JDE