Olye m mache nan vye chemen inyorans ak imoralite trase, m pito fè wout pa m epi mache pou kont mwen.
M konnen m pa ka chanje lemond men m pap kite lemond chanje kwayans mwen.
M konnen tout moun pa ka menm jan avè m men m pa p kite pèsonn fè m bliye idantite m nan Kris.
Kretyen pa vle di m pa ka pran plezi men m pap kite tout plezi fè m bliye kòm se tanp Sentespri.
Kretyen pa vle di m pa ka renmen men m pap fè sèks toutotan m pa marye.
M konnen lajan enpòtan men m pap kite l fè m bliye ke moun, fwaye m, zanmi m ak fwa mwen gen plis valè.
Kretyen pa vle di m pa ka ale oswa itilize WhatsApp ak Facebook, men m pap kite l fè m neglije misyon m antanke kretyen ki se adore Bondye e evanjelize.
Kretyen pa vle di m pa ka fè foto poste sou Facebook ak nan status WhatsApp mwen, men m pap fè foto dekole pou m sal Tanp Kris la.
Kretyen pa vle di m pa ka bay blag, men m pap pwofite di betiz ni minimize yon lòt.
Mwen konnen se pa aparans ki enpòtan men sa pa vle di pou m mache sal ni met rad pachiman.
M se kretyen
M se sitwayen
JDE
@ Desanm 2018
Aucun commentaire:
Publier un commentaire