Nou pa bezwen fè menm bagay pou n chanje figi lakay

Gen ministè, okipasyon, travay ou genyen se renmen ki motive l. Si se te pou lajan, ou te kite sa lontan. Gen lòt, se lajan sèlman e gen lòt ankò se jis yon opòtinite w ap chache. Li difisil pou yon moun k ap batay, m pa di jwe, pa alimante ak youn nan twa entèrè sa yo: renmen, lajan oswa opòtinite. Touletwa ka kontribye nan chanjman.

Si se renmen ki motive w, ou gen pasyon pou sa w ap fè a, ou riske, ou bay tout enèji w, ou ka rive fè gwo enpak tankou Desalin, Gandhi, Che, Nelson Mandela, elatriye. Se pasyon ki fè moun sa yo te depase tèt yo e ki te fè yo wè pi lwen pase anpil moun.

Jodi a, ou menm k ap evolye nan kominote w la, ki vle pou sitiyasyon yo chanje, ou bezwen wè pi lwen, ale pi lwen. Sinon, w ap bezwen fè tout bagay pou w kontribye nan yon lòt sosyete men w p ap reyisi.

Ou pa bezwen fè menm bagay ak mwen ni yon lòt pou patisipe nan lòt sosyete n ap chache a. Nou ka met ansanm pou n ale pi lwen. Si n gen menm objektif, menm vizyon, nou ka kolabore depi rezilta a se pou kominote a. Imedyatman nou nan konkirans, se fòs nou n ap chache montre e se la, egoyis ak engratitid pral mete pye pou gate sa. E ki sa w jwenn pou glwa lè w ap goumen pou w montre w pi fò pandan antouraj ou fèb? Ki satisfaksyon w genyen lè w chaje diplòm nan yon domèn pandan zòn ou ap soufri de solisyon w ka pote?

Ou gen pou pi piti yon talan, yon kapasite Bondye envesti nan ou ke pèsonn pa ka retire. Ou gen pasyon pou yon domèn, ou fè l fasil, lòt moun rejwi lè w fè l. Ou pa bezwen fè sa lòt moun ap fè ni anpeche moun fè sa w pa ka fè. Pouki w pa itilize talan w genyen an pou rann kominote w la sèvis? Dayè, tout sa w fè pou zòn ou, tounen vin jwenn ou e se pa yon kado ou fè l, se yon devwa, yon jès anretou.

Kisa l ye? M pa konnen. Ki enpòtans li? Mwen menm ak antouraj ou ta renmen konnen.

Jérome Dorsonne Emerson

ATELIER 2020

Ou pa bezwen kretyen pou w onèt

Nan kilti ayisyen an, e se reyalite nan anpil lòt peyi, yon kretyen se yon moun serye. Se yon sitwayen tout moun ka fè konfyans. Premye rezon an: li se yon sèvitè, yon sèvant Bondye. Depi yo di: a! Entèl se kretyen wi. Yo respekte l.

Dezyèm rezon an se paske, trè souvan, yon kretyen se yon moun ki repanti de move aksyon l yo. Li soti deyò, nan sans sistèm monn lan, pou l viv yon lòt vi. Sou baz sa a, kretyen se bon moun e gen moun ki menm panse yo pa ka ni dwe fè peche. Men, èske se sèlman kretyen ki ka onèt?
Non!

Ou ka fè pati nenpòt relijyon, epi w onèt. Yon vodouyizan, yon mason, yon mizilman, yon boudis, yon endouyis ka onèt. Ou gen dwa pa relijye epi w onèt. Alò, kisa onèt la ye menm? Kilè yon moun onèt?

Se yon moun ki konfòme l ak tout sa ki bon. Li dispoze li pou l fè sa ki bon, sa ki lwayal, moral e evite sa ki mal. Yo rele yo "bon moun". Yo gen kouraj pou di sa yo santi, respekte prensip nan prezans e nan absans moun. Gen yon otè ki te di: se pa lè w an prezans moun ou onèt, se lè yo pa la. E se vre, montre w se bon moun lè gen yon piblik, lè mèt sa w ap jere a la, lè yon grandèt la pa detèmine onètete w. Se ka ipokrizi. Se nan absans yo, selon rapò yo jwenn de ou, selon travay ou fè, temwanyaj yo bay de ou ki fè w onèt.

Kidonk, onètete se rezilta bon jan levasyon. Ou pa bezwen ale Legliz pou w konsa ni w pa bezwen kache kò w dèyè yon chè, yon mikwo, anba yon jip, dèyè vès ak chemiz manch long, fè gwo etid pou w onèt. Bondye vle pou n onèt, lalwa nan peyi nou mande pou n onèt e lafanmi gen devwa pou l leve timoun yo pou yo vin onèt. Se pa Bib la sèlman ki mande sa.

Pa jije yon moun bon sou kwayans li, byenke se sa l ta dwe ye, men paske gen moun k ap kache dèyè kwayans pou fè move aksyon, nou dwe rezève jijman yo, bon ou pa, pou n kite aksyon yo detèmine kilès ki onèt ou pa.

Èske w onèt nan kominote w la? Nan asanble w la? Nan travay ou a? Sou rezo sosyal yo? Reflechi sou aksyon w yo, konsyans ou ap ba w repons la.

Jérome Dorsonne Emerson
ATELIER 2020

Se nou ki ewo yo!

Nan fim "Écrire pour exister", David Moritz, ki baze sou liv " The freedom writers Diary", madmwazèl Je ap dirije yon klas difisil ki gen an majorite jèn ki nan gang k ap goumen tout tan nan blòk yo. Nan yon devwa rezime yo te gen pou fè sou yon liv ANNE FRANCK ekri, Eva, youn nan elèv yo te fache sou madmwazèl la paske pou li istwa a te mal fini poutèt pèsonaj li renmen an mouri. Makis te wè istwa a bèl nan yon lòt fason. Li bay pwofesè a ide ekri youn nan pèsonaj yo ki te toujou vivan, men li te vyeyi. Li te abite Amstèdam. Elèv yo di y ap kolekte fon pou fè l vin rankontre yo.

Lè otè a te kòmanse pale ak yo sou sa ki te rive l, Makis ki te al akeyi li, di l konsa: M pa janm gen ewo kòm modèl nan lavi m. Ou se ewo m nan. Dam nan di: "O, non, non, m renonse ak sa. M pa yon ewoyin. Mwen te aji jan m te dwe aji paske fò m te fè sa, se tou. Nou tout se moun òdinè, nou menm ak mwen. Menm yon sekretè òdinè, yon fanm nan fwaye l, yon adolesan, nan fason l kapab, ka fè yon limyè parèt kote ki gen fè nwa. Mwen te resevwa lèt nou yo, mwen te li yo. Pwofesè nou an te pale m anpil de sa n ap viv. Se nou menm ki ewo yo. Nou se ewo chak jou nan lavi nou."

Chak fwa m raple m fim sa a, m di tout aysiyen k ap viv se ewo. Nou fè fas ak lanmò chak jou, nou wè sa ki ta dwe nan fim. Nou viv sa militè ta dwe viv nan lagè. Nou pase tout move moman ki ta dwe fè n tiye tèt nou. Men malgre tout bagay, nou toujou vivan, n ap viv tankou moun ki nòmal men nan lespri nou, nou mouri.

Se pa moun ki reprezante nou yo ki se ewo. Se pa Superman, Batman, Spiderman, Flash ki se ewo. Yo monte fim men nou menm n ap viv montaj yo.

Si nou gade dèyè pou n wè sa n te pase, n ap wè nou pa gen rezon pou n kontinye viv nan divizyon paske viv ansanm nan pi fasil.

EWO PA GOUMEN AK EWO. YO MET TÈT ANSANM POU PWOTEJE EKSPLWA YO.

Jérome Dorsonne Emerson
ATELIER 2020

Entre la vérité et votre vérité, quelle est la vraie vérité?

Une vérité est une vérité mais elle ne peut pas contredire la vérité elle-même.

1. Dieu a créé le sexe, c’est une vérité, mais cela ne fait pas de la fornication une permission.
(1 Corinthiens 6.18)

2. Dieu a créé le mariage, mais il n'encourage pas le divorce.
(Matthieu 19.9)

3. Dieu vous a donné la vie, mais vous ne pouvez pas choisir de vivre éternellement sans croire en Jésus-Christ avant de mourir.
(Romains 6.23)

4. Dieu vous protège contre certains dangers, mais cela ne veut pas dire que vous ne mourrez pas. (Hébreux 9.27)

5. Dieu a créé la femme pour l’homme, mais il n'autorise pas un homme de prendre la femme d’un autre homme. (Exode 20.14)

6. Dieu vous a donné une langue, mais sa parole vous demande de la contrôler. (Jacques 3.10)

7. Vos yeux viennent de Dieu mais vous ne devez pas convoiter ce qui appartient à votre prochain (Exode 20.17)

8. Votre volonté vient de Dieu, mais elle n'est pas toujours la volonté de Dieu. (1 Thessaloniciens 4.3-4)

9. Vous pouvez être un pasteur, mais pas forcément le pasteur de l’Église de Jésus-Christ.
 (Matthieu 16.18)

10. Vous avez le choix de croire ou de ne pas croire en Christ quand on vous le prêche, mais votre refus ne vous sauvera pas. (Marc 16.16)

11. Vous pouvez réjouir de votre jeunesse, mais pour toutes vos réjouissances, vous serez jugé.
(Ecclésiaste 11.9)

12. Vous êtes libre de votre esclavage et esclave de votre liberté, mais si c’est Christ qui vous affranchit, vous serez réellement libre (Jean 8.36). 

Jérôme Dorsonne Emerson

Votre conviction est-elle plus véridique que la vérité?

J'avais lu ce texte de Mikhael le 4 mars 2016. Comme tant d'autres textes sur des sujets qui restent à nos jours controversés, celui-ci a attiré mon attention sur mes croyances et m'a fait comprendre que la conviction peut être dangereuse quand elle ne se base pas sur la vérité. Alors, je vous laisse le soin de le lire à votre tour pour votre édification.

Titre: Les Convictions - s’interroger sur leur bien-fondé

Quelqu’un affirme fièrement : « Moi, j’ai des convictions et jamais je ne les abandonnerai, je les défendrai jusqu’au bout. » Et en effet, il bataille courageusement contre ceux qui ne sont pas de son avis.

On ne peut pas reprocher aux gens d’avoir des convictions, mais ils devraient se demander parfois ce qu’elles valent et s’ils ne gagneraient pas à les réviser.

Du point de vue de la sagesse, l’attitude de certains hommes et femmes de conviction est plutôt de l’orgueil, de l’entêtement ou de la bêtise, et les conséquences peuvent être terribles : le fanatisme, la cruauté. 

La conviction n’est pas nécessairement une justification, elle n’empêche personne de commettre les pires erreurs : le fait d’être convaincu ne change pas une opinion erronée en vérité. « Mais alors, direz-vous, comment savoir ce que valent nos convictions ? » Si elles vous rendent meilleur, c’est-à-dire plus lucide, plus patient, plus généreux, plus ouvert aux autres, conservez-les. 

Mais si ce n’est pas le cas, vous n’avez pas de quoi être fier : tâchez de les réviser sévèrement.

Omraam Mikhaël Aïvanhov

Lekol lavi

Lekol lavi

Kite lavi a fòme w
Pran leson
Pran nòt
Fè devwa w
Swiv tout kou nan klas ou
Etidye
Travay
Pa sispann repase
Paske nan kèk jou ankò
Se pral egzamen...

Jerome Dorsonne Emerson

Aprann sipòte biznis nan zòn ou!

(Foto nan kloti dezyèm pwomosyon J.A.S nan Lyankou, 9 fevriye 2020)

Ou pa entèlijan ni w pa ede kominote w la lè w prefere pran machin al achte yon lòt kote akoz 5, 10 ak 15 goud anplis.  Pandan w ap li rès refleksyon sa a, mete nan lespri w m p ap ankouraje mache nwa.

Ann reflechi byen...

Moun k ap fè biznis nan zòn ou an, se kote w achte an detay la li achte angwo pi souvan. Kidonk, li pa ka vann nan menm pri ak gwosis la paske l peye lòt frè e fò l fè benefis, mete sou risk li pran ke w pa pran.  Tankou, li ka pèdi pwodwi, yo ka gate, yo ka vòlè yo, dat yo ka ekspire e yo pèdi valè yo. Se tout risk sa yo ki konn lakoz yon pwodwi vann nan yon pri pase yon lòt.

Dèfwa, lè pwodwi a ekspire nan men machann lan, li pèdi kapital li te envesti a. E se pou ou li te achte yo. Nan yon sans, ou pa ede l e ou pa ede tèt ou paske kote w ka jwenn pwodwi sa a nan nenpòt lè nan men l k ap vann an detay, gwosis la gen yon lè egzat li fèmen. Sa se yon avantaj ou peye.

Lè w pa achte nan men detayan an paske lòt ki lwen an vann li pi ba, swa ak yon diferans 10 goud, ou pa kontribye nan ekonomi zòn ou an. Anplis de sa, ou riske vi w pran machin oswa moto ki ka fè w depanse plis.Ankò, ou pèdi yon tan ou te ka itilize pou w fè yon lòt aktivite.

Annou imajine LE FOURNISSEUR vann papye an gwo Lyankou ak 600$ht. POWERGRAPH MULTI-SERVICES reachte li a 620$ht, yon diferans 20$ht. Èske PGMS pèdi? Non, paske li t ap bezwen depanse omwen 40$ht anplis (defisi 20$ht). Kidonk, se yon sèvis LE FOURNISSEUR rann li. Men, èske LE FOURNISSEUR pa fè Gwosis li achte nan men l lan tò? Non. Rezon? Gwosis la toujou vann e LE FOURNISSEUR fasilite kliyan l yo jwenn sèvis la pi rapid e pi pre. Plis kliyan ki pi lwen yo ap jwenn sèvis, se plis gwosis la ap vann.

Malerezman, anpil moun k ap fè biznis pa analize reyalite sa yo ki te pi bon. Antouka, fò n kòmanse reflechi sou jan n ap envesti e achte pou ekonomi zòn nou ka pi djanm.

Ou pa ka fè yon machann kado 25 goud, achte pou 25 goud nan men l, w a ankouraje l. Ou pa ka peye lekòl pitit li, omwen sipòte l nan aktivite l ap fè a, sa ap ede l peye l.Ou t ap wè plis moun t ap fè biznis, lè konsa volim delenkans la, vòl, ensekirite a, pwostitisyon an t ap diminye. Dayè, lè w byen reflechi, se grangou ki alabaz ensekirite ak delenkans. Se pou rezon sa a, mwen ap ankouraje Leta peyi m ak tout envestisè ki swete jèn yo viv nan moralite pou yo envesti nan talan yo, komès y ap fè. Se la a pou n kòmanse vrè devlopman an e sa ta dwe kòmanse lekòl, paske twòp elèv ki fin etid klasik chita ap tann djòb pandanke yo te ka kòmanse fè kòb nan plizyè mouvman ki genyen nan lari a.

Jan m toujou di, nou pa bezwen anpil pou n fè lòt yo jwenn tout sa yo bezwen.Richès yo ap gaspiye, ann depanse, envesti e sipòte yon lòt fason. Se pa biznismann nan oswa antreprenè ou anrichi lè w achte nan men l, se zòn ou an w ap bay jarèt nan ekonomi.Pa wè kòb l ap fè a, wè ekonomi zòn nan. M panse li lè li tan pou antreprenè yo jwenn pi bon tretman nan men popilasyon an. Konsa tou, yo dwe envesti nan edikasyon jèn yo. Nou gen twòp timoun k ap fin lekòl pou n pa ka devlope zòn nou. Se kòmsi lekòl la kontribye nan rann peyi a pi pòv. An reyalite, se pa sa, men si n ap kontinye frekante lekòl pandan n ap antre pi fon nan povrete, fò n repanse misyon ak rezilta lekòl la.

M panse si n repanse fason n ap viv, depanse, envesti e sipòte, n ap dekouvri anpil tò nou fè tèt nou pandan n panse n ap byen aji.

Ann sipòte biznis lakay!

Atik sa a se opinyon pa m nan lide pou m kontribye nan sansibilize lektè yo sou enpòtans antreprenarya ak lidèchip nan devlopman Ayiti. Kisa w panse de sijè sa a? Bay opinyon wnan kòmantè a. M ap kontan fè lekti fidbak ou.

Jérome Dorsonne Emerson