Meditasyon pou jodi a #83 : Egzamine lafwa ou !

Meditasyon pou jodi a #83 :
Egzamine lafwa ou !

Ou grandi. Se pa bebe manman w t ap bay lèt la ankò. Se pa timoun yo te konn ap montre ki wout pou li fè a. Pawòl ou yo. Reyaksyon ou yo. Repons ou yo. Kesyon ou yo. Tout bagay chanje. Ou se yon vrè gason, yon vrè fanm. Relasyon ou ak moun ap ogmante. W ap fè lòt rankont nan lekòl, nan inivèsite e nan travay. W ap dekouvri anpil bagay toutotan ane yo ap pase. Se pa moun sa a yo te konn imilye nan vwazinaj la.

W ap li mesaj sa a paske ou gen yon telefòn tòtch oubyen yon laptòp. Petèt se twazyèm nan oubyen katriyèm nan. Si ou fè yon ti panse yon moman, w ap di ke lontan sa te difisil. Bagay yo chanje pou ou. Petèt ou konn kondi machin, moto, avyon oubyen bato. Ou vwayaje e ou wè anpil bèl bagay.

Ki laj ou genyen ? Sa a se yon kesyon ki dwòl men pa di m ou pa wè ke jou yo ap pase vit e ou pase plizyè etap nan lavi a. Zanmi ou ap felisite w. Paran ou yo fyè de ou e peyi a ka konte sou yon patriyòt ki gen valè : doktè, avoka, enjenyè, agwonòm, nòmalyen…

Eske lafwa ou grandi ? Ki nivo konesans ou nan pawòl Bondye a ? (Ebre 5.12-14). Ki lòt som ou konnen apre sòm 23 a ke anpil moun konnen ? Eske ou toujou ap poze kesyon ki gen repons ke tout moun konnen yo ?Konbyen chapit ki genyen nan dènye liv nan Ansyen Kontra a ?

Eske ou menm jan ak yon seri de kretyen k’ap di : « Mwen pa gen tan pou m evanjelize. Mwen twò okipe nan travay la ». Sa t ap etone w pa vre ? Men ou kwè ke Bondye toujou la pou pwoteje w. Zanj li kanpe bò kote ou. Wi, li toujou la pou ou, men ou menm, ou toujou ap travay. Ou toujou fatige. E ou gen lafwa ? Yon asirans ki p’ap brannen (Ebre 11.1) ; san li ou pa ka sove (Efezyen 2.8) ; li soti nan koute levanjil la (Women 10.17).

Mwen kwè ke ou ta dwe egzamine lafwa ou jodi a avan li two ta.

Fè yon bon egzamen !

Jérôme Dorsonne Emerson

Meditasyon pou jodi a #82 : Poukisa sa tèlman difisil ?

Ou konnen ke se sèl Jezi ki ka mennen w kot Bondye. Li ekri nan Bib la (Jan 14.6). Men ou kwè nan yon lòt moun kanmèm.

Ou konnen ke pa gen anyen ki enposib pou moun ki kwè a. Li ekri nan Bib la (Mak 9.23). Men ou pa sispann plenyen pou pwoblèm ou.

Ou pa konnen pa gen anyen ki ka kache devan je Bondye. Li ekri nan Bib la (Ebre 4.13). Men ou kontinye ap fè peche.

Ou konnen mou k ap sèvi zidòl p ap antre nan wayòm Bondye a. Li ekri nan Bib la (1 Korent 6.9-10). Men ou chaje idòl.

Ou konnen Legliz la se pou Jezi li ye. Li ekri nan Bib la (Matye 16.18). Men ou dirije l kòmsi se te zafè pa’w.

Ou konnen fòk ou padone moun ki fè w kichòy. Li ekri nan Bib la (Matye 6.12,14). Men ou toujou ap kenbe moun nan kè w.

Ou konnen demen pa janm sèten. Li ekri nan Bib la (Jak 4.13-16). Men sa w ka fè jodi a, ou kite l pou demen.

Ou konnen yon kretyen dwe fè tout bagay pou fè lwanj Bondye. Li ekri nan Bib la (1 Korent 10.31). Men pawòl ou ak aksyon ou ap fè yo pale non Bondye mal.
Ou konnen ke kò ou se Tanp Sentespri a. Li ekri nan Bib la (1 Korent 6.19-20). Men ou pa vle kite fònikasyon, adiltè, mastibasyon ak lòt bagay ki menm jan avè l yo.

Ou konnen ou dwe separe byen ou ak moun k’ap anseye ou a. Li ekri nan Bib la (Galat 6.6). Men ou chwazi kanmèm rele pastè yo raketè.

Mwen pa di anyen ki pa ekri nan Bib la. Ou konnen se verite, men ou di ke li twò difisil. E poukisa sa difisil konsa ? Repons la ekri nan Bib la tou (2 Timote 3.1-5).

Sepandan, Bondye fè pitit li ka obeyi ak kòmandman li yo. Li ekri nan Bib la (Filipyen 2.13). Si ou se pitit Bondye, ou p ap di sa l di w fè yo difisil. Tout sa ekri nan Bib la. (1 Jan 5.3)

 Pase yon bon jounen !

Jérôme Dorsonne Emerson
*******************
Telechaje mizik mwen san kòb sou Souncloud epi pataje l ak moun ki pa kretyen. https://soundcloud.com/eff-pako-mayette/bay-jezi-laviw-fr-emerson.

Meditasyon pou jodi a #81 : Eske gen yon vi aprè lanmò vre ?

Se pa sa ou di ki verite, ni se pa sa ou kwè. Anpil fwa, nan chache bay manti, se verite a w ap apiye. Dout w ap fè yo pa ka detwi verite a. Okontrè, yo fè w  responsab devan verite a. Lè ou di pa gen lavi aprè lanmò, ou montre ke ou pa konnen anyen paske ou poko mouri. Kidonk, ou pa ka konnen egzakteman si gen yon vi  kote ou p ap viv.

Nonm rich la, lè li vin mouri, li  konnen gen yon lavi aprè lanmò. Malerezman, il konn sa two ta. Pandan ke li kote sa a, senk frè li yo ap viv sou latè. Petèt se yo ki te antere li. epi yo ale kite kò a nan tonbo a. Sa konfime Jenèz 3.19 ak 1 Tesalonisyen 5.22. Pa gen youn nan moun ki t ap pataje byen li yo, pen ak bwason li yo ki te rete avèk li menm pandan yon nwit. Pou yo menm, tout bagay fini  men pou li menm, gen yon lòt vi ki kòmanse.

Senk frè nonm rich la te ale nan antèman an, men youn pat ka di li: “Frè mwen, ki kote ou ye koulye a?” Epoutan li menm, li t’ap entèsede pou yo, li t ap di : « Tanpri, Abraram papa, voye Laza kay papa mwen ; [paske mwen gen 5 frè » (Lik 16.27). Gade yon konpasyon ! O si nèg sa a te gen santiman sa a lè li te vivan, li t’ap sove senk frè li yo e menm lòt moun ki nan antouraj li. Malerezman, se te twò ta.

Sa Abraram te di a pat sifi pou kalme nonm rich la ki te kondane: “ Yo gen Moyiz ak pwofèt yo pou avèti yo, se pou yo koute yo” (v29). Nan yon lòt repons, nonm rich la pral montre kòman li pat kwè lè li t ap viv sou latè ak lafwa li genyen lè li nan dife a : « Non, papa Abraram, yo p’ap koute. Men si youn nan mò yo al jwenn yo, y a chanje lavi yo” (v30). Elas, misye te fè tout sa li konnen pou konvenk Abraram, men li pa t ka fè anyen pou satisfè demand li yo.

Denye pawol Abraram te bay nonm rich la ta dwe rele konsyans ou sou tab meditasyon an jodi a : « Si yo pa koute Moyiz ak pwofèt yo, yo p’ap kite pèsonn lòt fè yo wè verite a. Li ta mèt yon mò ki ta leve vivan ankò, yo p’ap koute li » (v31). Anpil moun pa vle repanti sou pretèks ke pa gen anyen aprè yon moun fin mouri. Anpil fwa, yo konn di : « Ou te ale nan lanfè deja? Eske ou te wè yon mò deja ki leve vin di w sa ki genyen aprè lanmò ? » Ou gen repons la nan istwa sa a.

Ou pap ka repanti aprè lanmò, ni ou pap ka mande Bondye pou l voye yon mò sou latè lè ou nan reyalite a. Jezi te pase 3 lane konsa ap preche repantans. Li te di li t’ap mouri e li t’ap leve. Lè sa te rive, olye pou yo te kwè, yo te pito bay kòb pou sa pat repete (Matye 28.1-15). Se pou w fè kè w kontan si ou toujou vivan e pwofite okazyon sa a pouw repanti paske demen pa sèten.

Se pou ou byen medite.

Jérôme Dorsonne Emerson
Like paj mwen an sou Facebook:https://m.facebook.com/jeromedorsonnemerson/

Méditation du jour #81 : Y-a-t-il vraiment une vie après la mort ?

La vérité n’est pas forcément ce que vous dites, ni ce que vous croyez. Souvent, en voulant démentir, vous ne faites qu’approuver. Vos doutes ne peuvent pas détruire la vérité. Au contraire, ils vous rendent responsable face à la vérité. En disant qu’il n’y a pas de vie après la mort, vous confirmez votre ignorance car vous n’êtes pas encore mort. Donc, vous ne pouvez pas savoir exactement s’il y a vraiment une vie là où vous ne vivez pas.

L’homme riche, à sa mort, sait qu’il y a cette vie. Malheureusement, il le sait trop tard. Pendant qu’il y est, ses cinq frères vivent sur la terre. Il a peut-être été enterré par eux mais ils ont laissé son corps au tombeau. Ceci confirme Genèse 3.19 et 1 Thessalonicien 5.23. Aucun de ceux qui partageaient ses biens, ses pains et ses boissons ne restait pas même pendant une nuit avec lui. Pour eux, tout est fini mais pour lui, une autre vie vient de commencer.

Ses cinq frères étaient à ses funérailles, mais ils ne pouvaient pas lui poser cette question : « Mon frère, où es-tu maintenant ? » Pourtant lui, il était en train d’intercéder pour eux, disant : « Je te prie donc, père Abraham, d'envoyer Lazare dans la maison de mon père; car j'ai cinq frères. » (Luc 16.27) Quelle compassion ! Oh si cet homme avait un tel sentiment pendant son vivant, il sauverait ses cinq frères et bien d’autres hommes. Malheureusement, c’est trop tard.

La déclaration d’Abraham ne suffisait pas pour cesser l’inquiétude du pauvre condamné : « Ils ont Moïse et les prophètes; qu'ils les écoutent » (v29). Dans sa nouvelle réplique, il va prouver son incrédulité quand il était vivant sur la terre et sa foi dans le feu : « Non, père Abraham, mais si quelqu'un des morts va vers eux, ils se repentiront. » (v30) Hélas, il a beau tenté de convaincre Abraham, mais Abraham ne pouvait rien faire pour satisfaire sa demande.

La dernière parole d’Abraham à l’homme riche devrait convoquer votre conscience sur la table de la méditation aujourd’hui : « S'ils n'écoutent pas Moïse et les prophètes, ils ne se laisseront pas persuader quand même quelqu'un des morts ressusciterait. »(v31). Beaucoup ne veulent pas se repentir sous prétexte qu’après la mort, c’est le néant. Souvent, ils disent : « Etes-vous déjà allé en enfer ? Avez-vous déjà vu un mort ressuscité qui vous dit ce qu’il y a après la mort ? » Vous avez la réponse dans cette hsitoire.

Vous ne pourrez pas vous repentir après la mort, ni vous ne pourrez pas demander à Dieu d’envoyer un mort sur la terre lorsque vous serez dans la réalité. Jésus a passé environ trois ans dans la prédication de la repentance. Il avait annoncé sa mort et sa résurrection. Quand ses prophéties étaient accomplies, au lieu de croire en lui, on a versé de l’argent pour cacher la vérité (Matthieu 28.15). Soyez heureux si vous êtes encore vivant et profitez de cette occasion pour vous repentir car demain n’est jamais certain.

Bonne méditation
Aimez ma page sur Facebook https://m.facebook.com/jeromedorsonnemerson/

Jérôme Dorsonne Emerson

Meditasyon pou jodi a #80 : Pou evite divòs ak maryaj ilegal (Katriyèm pati)

Divòs: èske se bon chwa a vre ?

Pi souvan, nou gen anpil detèminasyon pou nou marye. Pou sa fèt, nou prè pou n fè tout kalite sakrifis. Nou fè gwo depans pou òganize maryaj la ak pou resevwa moun. Nou prete gwo machin pou n fè wè nou kontan. Pafwa, nou prete lajan menm si n pa konnen kote n ap jwenn li pou remèt.

Poukisa nou pa fè menm sakrifis la pou n sove maryaj la olye nou kraze l ? Pafwa, nou dakò pou n kite paran nou yon fason malonèt e nou menm riske lanmò pou n ka viv ak fiyanse nou. Nou pa vle kwè chwa nou fè a pa bon. Nou tèlman avèg nou konn rejte konsèy paran nou, konsèy zanmi nou ak responsab Legliz la.

Avan, nou te sèten ke se te volonte Bondye. Se Bondye ki te banm madanm sa a. Mari mwen se chwa Bondye fè. Poutan, kèk mwa oubyen lane apre, nou kòmanse doute de chwa sa a. Nou pa gen menm lanmou ki te fè n marye a. Solisyon ki pi bon an se divòse. Eske nou sonje sèman nou te fè nan seremoni  ki te fè envite yo bat men yo ? Eske nou sonje tibo nou te fè ki te fè moun ri ? Bondye te la.

Kounye a, lè nou vin konprann ke nou te fè yon move chwa, nou pa vle fè pyès sakrifis. Nou pa okipe kòmandman Bondye yo sou maryaj la. Nou prè pou n vyole tout prensip biblik yo pou n debarase nou de madanm nou te renmen an, mari nou te chwazi a. Epi nou panse ke nou ka pase Bondye nan betiz lè n bezwen kraze angajman ke nou te pran nan non li ? Non, zanmi mwen, bagay yo pa konsa.

Se nan ipokrizi ke nou renmen chante sa a : « Lè Jezi di wi, pèsonn pa ka di non ». Ebyen men kesyon m nan : « Eske Jezi te di ‘wi’ nan maryaj ou a ? » Si se sa, èske se pa Satan kap di non jodi a ?  Si se pa sa, se manti nou te fè lè nou te pran non li pou temwen. Ebyen, èske se ta yon krim si se pri sa n te fè a n ap peye ?

Fè yon ti reflechi frè m, sè m ! Paske volonte Bondye se pou maryaj la dire jiskalamò.

Se pou w byen medite !

Jérôme Dorsonne Emerson

Méditation du jour #80: Pour éviter le divorce et le remariage illégal (quatrième partie)

Le divorce : est-ce vraiment le bon choix ?

Nous sommes souvent très  déterminés à vouloir nous marier. Pour ce faire, nous sommes prêts aux sacrifices les plus grands. Nous faisons des dépenses énormes pour l’organisation et les noces. Nous empruntons des voitures de grande marque pour vanter notre bonheur. Parfois, nous empruntons de l’argent même si nous n’avons pas la garantie du remboursement.

Pourquoi ne faisons-nous pas les mêmes sacrifices pour sauver le mariage au lieu de le briser ? Parfois, nous acceptons d’abandonner nos parents malhonnêtement et même aventurer la mort pour nous attacher à nos fiancés. Nous refusons de croire que tel choix est mauvais. Nous sommes tellement aveuglés que nous rejetons les conseils de nos parents, de nos amis et des responsables de l’église.

Avant, nous étions sûrs que c’était la volonté de Dieu. C’est Dieu qui m’a donné cette femme. Mon mari est le choix de Dieu. Pourtant, quelques mois ou années après, nous commençons à douter de notre choix. Nous n’avons plus le même amour qui nous a poussés à nous marier. La meilleure solution est le divorce. Souvenons-nous de notre serment à la cérémonie qui a poussé les invités à applaudir ? Souvenons-nous du baiser qui a déclenché des rires ? Dieu était là.

Maintenant, quand nous sommes persuadés que nous avons fait un mauvais choix, aucun sacrifice n’est plus important. On s’en fout des commandements de Dieu sur le mariage. Nous sommes prêt à violer tous les principes bibliques pour nous débarrasser de la femme que nous avons aimée, de l’homme que nous avons choisi. Et nous pensons pouvoir nous moquer de Dieu en voulant briser un engagement que nous avons pris en son nom ? Non, mon ami, les choses ne sont pas comme ça.

Nous aimons hypocritement cette chanson qui dit : « Quand Jésus dit oui, personne ne peut dire non ». Alors, ma question est celle-ci : « Jésus, avait-il dit ‘oui’ pour votre mariage ? ». Si oui, n’est-ce pas le diable qui dit « non » aujourd’hui ? Sinon, nous avons  menti en prenant son nom comme témoin ? Eh bien, serait-ce un crime si c’est le prix de notre mensonge que nous payons ?

Réfléchissez mon frère, ma sœur ! Car la volonté de Dieu est que le mariage dure jusqu’à la mort.

Bonne méditation !

Jérôme Dorsonne Emerson

Meditasyon pou jodi a #79 : Pou evite divòs ak remaryaj ilegal (twazyèm pati)

Sa ki lakoz divòs

Otorizasyon Moyiz bay pou divòs la pa fè remaryaj la yon enpozisyon, pwiske moun ki inosan an ka padone moun ki fè adiltè a. Anplis, direktè lalwa yo ak farizyen yo te kondane fanm adiltè a alòske Jezi te padone li, li di: “ Ou mèt ale. Men, pa janm fè peche ankò” (Jan 8.11). Si moun ki koupab la toujou kontinye nan enfidelite a, moun ki viktim lan ka divòse ak li, men li pa oblije remarye. Entèpretasyon sa a ka valab pou moun ki te marye avan yo te konvèti. (1 Korent 7.12-17).

Yon kòz ki pa bon

Remaryaj la posib men sa ki lakoz li a pa bon. Moyiz te pèmèt divòs akoz kè lòm te di e non paske sa te nan volonte Bondye ni se pa t pou fè lòm pase pou pi bon devan fanm. Annou wè kisa ki te pwovoke tipale sa a ant Jezi ak farizyen yo.

Ilèl ak Chamayi

Ilèl ak Chamayi se te de chèf relijye ki te reprezante de gwoup opinyon nan peyi Izrayèl nan epòk Moyiz la. Yo pat entèprete divòs lejitim nan menm jan (Detewonòm 24.1-4). Pou Ilèl, mari a te ka divòse ak madanm li pou kennenpòt bagay la, tandike Chamayi te anseye ke divòs la pat dwe fèt ke pou yon bon kòz. De entèpretasyon sa yo te divize pèp la.

Menm jan yo te fè l pou fanm adiltè a, jwif yo te bezwen pran Jezi nan pèlen ak kesyon sa a: “Eske lalwa nou pèmèt yon nonm kite ak madanm li pou nenpòt ki kòz?” (Matye 19.3). Repons Jezi te bay la te voye entèpretasyon Ilèl la jete e li te ale pi lwen ke pa Chamayi a (Matye 19.9). Kounye a, pou yon mari divòse ak madanm li, li te dwe kenbe li nan adiltè. Sinon, pa p gen ni divòs ni remaryaj. Tout jan divòs la ak remaryaj la ta fèt, depi se pa kòz enfidelite, l’ap bay adiltè pou rezilta.

Yo fè konnen ke te gen kèk mari ki te konn fè plan pou madanm yo tonbe nan adiltè, yon fason pou yo te ka gen prèv pou divòse. Erezman, moun k’ap jije adiltè yo konn tout bagay. Pa gen moun ki ka twonpe li. Non li se Bondye. Yon kretyen ki konnen Bondye ap aji daprè lwa Bondye a ki ekri nan kè li (Som 119.11). Siw ranje kò w pou detwi lalwa Bondye a, se ou menm k’ap detwi paske non sèlman remaryaj la ka lakoz adiltè, men sa ki pi rèd la se pèdi nanm ou an akoz adiltè (1 Korent 6.9).

Yon vrè mari kretyen ap okipe zafè ki pou fè madanm li plezi, li pap chache rezon pou divòse ak li. Se menm bagay la pou madanm ki kretyen an (1 Korentyen 7.32-34). Bib la pa pale sèlman de soumisyon madanm nan (1 Pyè 3.1), men li pale de lanmou ( Efezyen 5.22) ak sajès mari a nan vi l’ap mennen ak madanm li (1 Pyè 3.7).

Ke Sentespri Bondye lave tout ou menm ak dlo pawòl li pou w ka konnen sa Bondye vle, sa ki byen, sa ki fè l plezi, sa ki bon nèt ale”.

Se pou ou byen medite ! Pase yon bon jounen !

Aswiv…

Jérôme Dorsonne Emerson